Beyond Logic: Embracing the Mystery of Existence

Life, like a meandering river, carves its own path, often deviating from the course we meticulously plan in our minds. By acknowledging the limitations of logic and embracing the mystery that lies beyond, we open ourselves to a world of possibilities, fostering creativity, adaptability, and a deeper appreciation for the wonders of existence. So, the next time you encounter the unexpected, remember, it might just be the universe nudging you towards a richer, more fulfilling experience…

તારીખિયામાં વર્ષ નવું અને સંકલ્પોમાં આપણે નવા – New year, new you! વર્ષો બદલાવાનું નથી છોડતાં અને આપણે સંકલ્પો કરવાનું નથી છોડતાં!

મારું માનો તો સમયથી મોટું ઈલ્યુઝન બીજું કોઇ નથી. જો આ વાત સમજાતી હોય, તેની સાથે સંમત થવાતું હોય તો સમયના બદલાવ પર ધ્યાન આપવાને બદલે આપણા બદલાવ પર ધ્યાન કેન્દ્રિત કરવાનો મહાવરો કેળવવો જોઈએ. સમય(વર્ષ) આગળ નહીં વધે, આપણે આગળ વધી જઈશું. વર્ષ માત્ર કાગળ પર બદલાશે, આપણે વાસ્તવમાં બદલાઈશું. વર્ષ બદલવું વ્યવહાર માટે જરૂરી છે અને આપણું બદલાવું અસ્તિત્વની ઉન્નતિ માટે જરૂરી છે. કદાચ તમને એમ થશે કે સફર આપણી હોય કે કાળની શું ફેર પડે છે, જીવન તો વ્યતીત જ થાય છે ને?! ના બહુ મોટો ફેર પડે છે, સમજાય તો! જો સમય વીતી રહ્યો છે તો તમારે માત્ર એ વીતતા સમયમાં ટકવાનું છે, વીતેલા સમયના અફસોસમાં કે આવનારા સમયની ચિંતામાં સમય પસાર કરવાનો છે. પરંતુ, જો સમય નહીં અને તમે વીતી રહ્યા છો તો તે વિચાર તમને તમારા અસ્તિત્વ પ્રત્યે વધુ સભાન બનાવે છે અને આ સભાનતા તમને વર્તમાનમાં જીવતાં શિખવાડે છે, તમારામાં દ્રષ્ટાભાવની કેળવણી માટેનો પાયો નાખે છે!

રૂબરૂ મુલાકાતોનું સ્થાન કોઈપણ ટેક્નોલોજી ના લઇ શકે, વર્ચ્યુઅલી સતત જોડાયેલા રહેવા કરતા દસ મિનિટ રૂબરૂ મળ્યાની યાદ મનમાં વધુ લાંબો સમય જીવંત રહે છે.

દિવાળીની રજાઓ પુરી થઇ જાય ત્યારે એક વાત મનમાં અચૂક આવે છે ‘લો દિવાળી-દિવાળી કરતા’તા, આવીને જતી પણ રહી!’ મારી વાત માનો ‘દિવાળી’ તો એક રૂપક છે બાકી વાત સમગ્ર જીવનની છે, ક્યારે આવ્યું અને ક્યારે જતું રહેશે એનો સીધો હિસાબ નહીં રાખી શકો. દિવાળી આવવાના ઉત્સાહ કરતા આવીને જતી રહ્યાનો અફસોસ વધારે હોય છે, બરાબર એ જ રીતે આવનારી પળોની ઉત્તેજના કરતા વીતી ગયેલી પળોનો અફસોસ વધુ તીવ્ર હોય છે. આ વાત સમજાતી હોય તો આજે જ સમજી લો કે આપણે માનીએ છીએ તેના કરતા જીવન ઘણું ટૂંકું છે, શાંતિથી વિચારશો તો ક્યારે આ ઉંમરે પહોંચી ગયા એનો સાચો હિસાબ નહીં માંડી શકો. જો જીવનને માણ્યું હશે તો આ હિસાબ નહીં માંડી શકવાનો અફસોસ નહીં થાય પણ જો દિવસો, માણ્યા વગરના, એમ જ હાથમાંથી સરકી ગયા હશે તો વહેલો-મોડો વીતેલા સમયનો અફસોસ જરૂર થશે.

યોગ્ય ભાવથી, યોગ્ય રીતે અને યોગ્ય સમયે કરાયેલો સ્પર્શ હીલિંગ કરનારો કે રાહત આપનારો હોય છે…

અમે કોફી લઈને મેલબર્નના બર્ક સ્ટ્રીટ મોલની બહાર નીકળ્યા અને એક ફૂટપાથ-બેન્ચ ઉપર હું અને મારી પત્ની કોફી માણતા અવરજવર કરતા લોકોનું અવલોકન કરતા બેઠા. બર્ક સ્ટ્રીટ મેલબર્નની ખાસ્સી વ્યસ્ત અને હેપનિંગ સ્ટ્રીટ છે. લોકો, ખાસ કરીને યુવાઓ હાથમાં શોપિંગ થેલીઓ, બેગ, કોફીના કપ, બેકપેક લઈને ઝડપની એક લયમાં હરીફરી રહ્યા હતા. ત્યાં એક યુવતી હાથમાં પ્લાકાર્ડ લઈને આવી, એને ફૂટપાથ પર ઉભું કર્યું અને પાછળ ભેટવા માટે તૈયાર હોય એમ હાથ પહોળા કરીને ઉભી રહી. કાર્ડ પર લખ્યું હતું – If you have Depression/Anxiety Hug me – જો તમને ડિપ્રેશન કે એંગ્ઝાઇટી હોય તો મને આલિંગન આપો. થોડીવાર તો એ એમ જ ઉભી રહી, એક યુવાન આવ્યો, હળવું આલિંગન આપ્યું અને ચાલતો થયો. ધીરે ધીરે આલિંગન આપનારાની સંખ્યા વધતી ચાલી, મને એ છોકરી આવી તે કરતા વધુ પ્રસન્ન જણાવા લાગી….

વિચાર ગમે ત્યાં, ગમે ત્યારે ફૂટે, એની પર ધ્યાન આપો તો એ વિસ્તરે અને ના આપો તો એ કરમાઈને વિલીન થઈ જાય!

મનમાં બદલાવ લાવવો કેવી રીતે? મનમાં બદલાવ લાવવા માટે તેના મૂળભૂત ઘટકમાં ફેરફાર લાવવો જોઈએ અને એ મૂળભૂત ઘટક છે વિચાર. ફ્રેંચ ફિલોસોફર રેને ડેસકાર્ટનું પ્રસિધ્ધ સૂત્ર છે cogito, ergo sum – I think, therefore I am. વિચારો એ આપણા હોવાનું, આપણી હયાતીનું પ્રમાણ છે. જીવનમાં બદલાવ લાવવાની શરૂઆત આ વિચારોમાં બદલાવ લાવવાથી કરવી પડે.

ગુગલ સમાધાન ઓછું અને સંદેહ વધારે પેદા કરે છે. દવા તો મળે નહીં અને વધુ દસ બીમારીઓની ના જોઈતી જાણકારી મગજમાં ઘુસી જાય!!

હમણાં મને એક ટીવી મુલાકાતમાં કાર્યક્રમ સંચાલકે પૂછ્યું કે ડૉક્ટર પર ભરોસો રાખવો કે ગુગલ પર?! મેં કહ્યું ‘તમારી સમસ્યાનું સમાધાન અને સારવાર જોઈતી હોય તો ડૉક્ટર ઉપર, નહીંતર ગુગલ પર! ગુગલ સમાધાન ઓછું અને સંદેહ વધારે પેદા કરે છે. દવા તો મળે નહીં અને વધુ દસ બીમારીઓની ના જોઈતી જાણકારી મગજમાં ઘુસી જાય!! સરવાળે, મૂંઝવણમાં વધારો, મન ભયભીત અને શંકાઓનો પાર નહીં. પાંચ દિવસમાં ઠેકાણે પડતી બાબત પંચાવન દિવસે કઈંક નવું જ રૂપ ધારણ કરીને ખોળામાં બેઠી હોય!

About

Dr.Hansal Bhachech is one of the most renowned and respected psychiatrists in western India. He is a Psychiatrist by profession and author by passion. He is a popular column writer in a renowned Gujarati newspaper, “Gujarat samachar”. He is a guest writer in many news papers and magazines.

His Popular Best Seller Books:

His writings are realistic, humorous and full of wisdom. It will stimulate your thinking and bring positive change in your life for sure.

Dr Bhachech, a member of the Mental Health Authority of Gujarat since 2002, who now runs a successful practice of psychiatry, at Navrangpura and Maninagar, in the city of western India, Ahmedabad