RSS

સ્ત્રી જેટલી ઝડપથી સામી વ્યક્તિના ઈરાદા કળી શકે છે એટલી ઝડપથી વિચારોનું અર્થઘટન નથી કરી શકતી.

02 Aug

spread a thought Tari ane mari vaat

 

 એક વિશ્વવ્યાપી ફરિયાદ છે કે પુરૂષો સ્ત્રીઓની વાત ઘ્યાનથી બરોબર સાંભળતા નથી. ફરિયાદ કંઈક અંશે સાચી છે. આ વિશ્વની તમામ પત્નીઓ આ બાબતે મારી સાથે સમંત થશે અને જે સ્ત્રીઓ હજી પત્નીઓ થઈ નથી તેમને કદાચ એમ લાગશે કે ના, મારો પુરૂષમિત્ર એવો નથી! પરણિત અને અપરિણિત સ્ત્રીઓ વચ્ચેના આ અભિપ્રાય ભેદ પાછળ એક મહત્ત્વની વાત જવાબદાર છે. પરિણિત પુરૂષોમાં એક સલામતીની ભાવના છે. પત્ની આ બાબતને લઈ  છોડીને ભાગી જવાની નથી, પરિણામે બિન્ધાસ્ત રહેવાનું, એકવારમાં નહીં સાંભળવાનું! જ્યારે લગ્ન સિવાયના વિજાતીય સંબંધોમાં પુરૂષો આ મુદ્દે અસલામત છે. સંબંધ ટકાવી રાખવો હોય તો એને સાંભળવી પડે – મોટા ભાગના કિસ્સાઓમાં સાંભળવાનો ડોળ કરવો પડે!

મોટાભાગની સ્ત્રીઓ પુરૂષોની આ આદતથી મોડી વહેલી વાકેફ થઈ જાય છે. પરિણામે ઘણીવાર એમના મનની વાત અન્ય કોઈની પાસે કહેવડાવે કે આડકતરી રીતે કહે છે. જેમકે મારી આ કોલમ મોટાભાગની સ્ત્રીઓ પુરૂષોને પરાણે વંચાવે છે! એવું નથી કે હું અહીં માત્ર સ્ત્રીઓના મનની વાત જ લખું છું, પરંતુ પુરૂષોને પોતાના મનની વાત કહેવા આવા નુસખા નથી અજમાવવા પડતાં! સ્ત્રીઓ હંમેશાં પુરૂષનો શબ્દે શબ્દ અન્ય પ્રવૃત્તિઓમાં ઘ્યાન હોય, તો પણ સાંભળતી હોય છે. પોતે સીરીયલો કે રીયાલીટી શો જોતી હોય અને પતિ ફોન પર વાત કરતો હોય તો એને સીરીયલમાં શું આવ્યું એની પણ ખબર હોય અને પેલાએ કોની જાડે વાત કરી, શું વાત કરી એ પણ ખબર હોય ! પુરૂષ ક્યારેય આવું ન કરી શકે અને માટે જ અકળાઈને પત્નીને બીજા રૂમમાં જઈને વાતો કરવાનું કહી દે!!

પુરૂષો સ્ત્રીઓને બરાબર ઘ્યાનથી સાંભળતા નથી, એ ફરિયાદમાં એક વાત ખોટી એ છે કે માત્ર સ્ત્રીઓને જ નહીં, પુરૂષો પુરૂષોને પણ સ્ત્રીઓ જે રીતે સાંભળવાનું કહે છે, એવી રીતે સાંભળતા નથી. પુરૂષોના મગજનું વાયરીંગ એવું છે કે એમને વાતની વિગતો કરતા મર્મમાં વધારે રસ હોય છે, પરિણામે કોઈ વ્યક્તિ શું કહેવા માગે છે, તે એને ખબર પડી જાય તો પછી એ લાંબી પળોજણમાં પડતો નથી. જ્યારે સ્ત્રીઓને વાતના મર્મ કરતાં વિગતોમાં વધારે રસ હોય છે. અને તેમની તર્કશક્તિ પુરૂષો કરતાં ઓછી હોવાથી વાતનો મર્મ મગજમાં ઉતારતા વાર લાગે છે. તે જેટલી ઝડપથી સામેની વ્યક્તિના ઈરાદાઓ કળી શકે છે, એટલી ઝડપથી તેના વિચારોનું અર્થઘટન નથી કરી શકતી. માટે જ કોઈ એને કેવી નજરે જુએ છે તે એક જ સેકન્ડમાં કળી જતી સ્ત્રી જોક્સમાં ટ્યુબલાઈટ થાય પછી હસે એવું બનવું સામાન્ય છે ! આ ઉપરાંત પુરૂષોનું મગજ વિગતોનું ઝડપી અર્ધઘટન કરતું હોવાથી અઘ્ધરતાલ સાંભળેલી વાત પણ તેના માટે પૂરતી છે એવું તે માનતો હોય છે અને પરિણામે તે ઘ્યાનથી સાંભળતો નથી. પરંતુ તેની આ ખામીને લઈને ક્યારેક તે ઘણી ભૂલો કરી બેસે એવું પણ બને. આ જ કારણોસર સાંભળવાના વ્યવસાય જેવા કે દુભાષિયા (Interpreter), ગ્રાહકલક્ષી સેવાઓ (Customer service centre), વગેરેમાં સ્ત્રીઓ વઘુ કાર્યદક્ષ સાબિત થાય છે.

પુરૂષો સ્ત્રીઓની વાત ખાસ ઓછી સાંભળે છે, એની પાછળ અન્ય કારણો પણ જવાબદાર ગણી શકાય તેમ છે. પુરૂષોને મુદ્દાસર (to the point) વાતોમાં રસ હોય છે, જ્યારે સ્ત્રીઓની લંબાણપૂર્વકની વાતો કરવાની ટેવ હોય છે. સ્ત્રીની આ લાંબી વાતોમાં પુરૂષને મર્મ પકડાઈ જાય તો બાકીની વાત સાંભળી ના સાંભળી કરવાની તેની સ્વભાવગત્ આદત છે. પુરૂષોના આવા અભિગમથી સ્ત્રીને એમ થાય છે કે એણે બરાબર સાંભળ્યું નથી અને પરિણામે એકની એક વાત બે-ત્રણવાર કહેવાની લાલચ તે રોકી શકતી નથી. સ્ત્રીઓની આ આદતથી પુરૂષ સહજ રીતે જ ઓછું ઘ્યાન આપતો થઈ જાય છે. કારણ કે એને ખબર હોય છે કે ટીવી ન્યૂઝની જેમ વારંવાર રીપીટ થવાની જ છે! આ તો આંધળે બહેરું કુટાય તેવી વાત થઈ. પુરૂષ બરાબર સાંભળે તે ચોક્કસ કરવા સ્ત્રી એકની એક વાત એક કરતા વધારે વાર કરે છે અને પુરૂષ સ્ત્રીની વાત પાછી ફરી ફરીને થવાની જ છે એ ગણતરીએ ઘ્યાનપૂર્વક સાંભળવાની ચેષ્ટા કરતો નથી! આ વિસંગતતામાંથી ઉત્પન્ન થતા ઘર્ષણને ટાળવા સ્ત્રીઓએ પુરૂષોની સાથે મુદ્દાસર અને સ્પષ્ટ વાત કરવાનો અભિગમ અપનાવવો પડશે. એકવાર આ રીતે વાત થઈ ગઈ પછી તે ફરીથી નહીં જ કરવાની એવી આદત પાડવી પડશે. પુરૂષોએ એ સમજવું પડશે કે સ્ત્રીઓને માત્ર મર્મ કહેવામાં રસ નથી પરંતુ સંપૂર્ણ વિગત આપવામાં રસ છે, માટે જ તેની આખી વાત સાંભળવાની ધીરજ કેળવવી પડશે. જો તમે એની વાત ધીરજથી સાંભળી છે એવું તેને લાગશે તો તે એકની એક વાત વારંવાર નહીં કરે તે નક્કી છે.

પૂર્ણવિરામ: સ્ત્રીઓની જેટલી ઝડપથી જીભ ચાલે છે તેટલી ઝડપથી મગજ નથી ચાલતું અને પુરુષોનું જેટલી ઝડપથી મગજ ચાલે છે તેટલી ઝડપથી તેની જીભ નથી ચાલતી !! 

book

Advertisements
 

Tags: , , , , ,

2 responses to “સ્ત્રી જેટલી ઝડપથી સામી વ્યક્તિના ઈરાદા કળી શકે છે એટલી ઝડપથી વિચારોનું અર્થઘટન નથી કરી શકતી.

  1. ketan vaghela

    August 2, 2018 at 6:08 pm

    Good article sir,

    mane pan vanchta em j thatu hatu ke mudda ni vat suche

    end ma vachyu etle santosh thayo 😀😀😀

     
  2. hirenrajput115

    August 4, 2018 at 9:23 pm

    This is extremely right

     

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

 
%d bloggers like this: