RSS

Monthly Archives: October 2015

સુંદર અને આકર્ષક દેખાવાની ઘેલછાને કારણે પુરુષોની સરખામણીએ સ્ત્રીઓ પોતાના દેખાવ પાછળ વધુ સમય અને નાણા ખર્ચતી હોય છે!

spread a thought Tari ane mari vaat

‘કાલે સર મારી સાથે દાવ થઇ ગયો’ જીમમાં બાયસેપ્સ બનાવવા ડમ્બેલ્સ મારતા મારતા જીમ-મિત્રએ કહ્યું.

‘કેમ?!’ મેં સહજ કુતુહલતા બતાવી.

‘કહું’ એમ કહેતા એ ડમ્બેલ્સ સ્ટેન્ડ ઉપર મુકવા ગયો અને પછી પાછા આવીને નેપકીનથી પરસેવો લૂછતાં વાત માંડી ‘કાલે મારી એક ફેસબુક ફ્રેન્ડને પહેલીવાર ફાઈવસ્ટારના કોફી-બારમાં મળ્યો. પણ એને મળતાની સાથે બધું જ એક્સાઈટમેન્ટ ટર્ન-ઓફ અને પાકીટ ઉપર ચૂનો લાગ્યો એ જુદો’

એ નિસાસો નાખવા રોકાયો એટલી વારમાં મેં હસતા હસતા પૂછી કાઢ્યું ‘કેમ પ્રોફાઈલ પીક્સ કે ઈન્સ્ટાગ્રામના ફોટોથી જુદી નીકળી?!’

‘હે, તમને કેવી રીતે ખબર પડી?!’ તેણે આશ્ચર્ય થયું હોય એવી રીતે મને પૂછ્યું ખરું પણ પછી પોતે જ જવાબ આપ્યો કે ‘તમને તો ખબર જ હોય ને આવું બધું, તમારી પાસે તો આવા ઘણા કિસ્સા આવતા હોય’

‘સિમ્પલ છે’ મેં તેમ છતાં’ય મને કેવી રીતે આખી વાત સમજાઈ ગઈ તે સમજાવવા માંડ્યું ‘મોટાભાગની આવી ‘ફેસબુક ડેટસ્’ પ્રોફાઈલ પીક્સ પ્રભાવિત હોય છે અને એમાં વ્યક્તિઓ દેખાવમાં પોતાના અપલોડ કરેલા ફોટાથી ઉતરતા નીકળે તો દાવ-પાણી ડોટ કોમ. બધી જ ઉત્તેજનાઓ ટર્ન-ઓફ!’

‘દાવ-પાણી ડોટ કોમ!! જબરું લાયા સર’ બે ઘડીમાં જ જાણે એનો અફસોસ વિસરાઈ ગયો.

‘ચલ હવે વર્ક-આઉટ પતે પછી વાત’ એમ કહીને મેં બીજા મશીન તરફ ચાલતી પકડી અને એણે પાછા ડમ્બેલ્સ હાથમાં લીધા.

************

જીમમાં થયેલી આ નાનકડી રૂટીન વાતચીતમાં કંઈ ખાસ નવું’ય નથી અને અજાણ્યું’ય નથી. કદાચ આજના મોટાભાગના યુવાનોને ખબર હશે કે વ્યક્તિનો ઓનલાઈન દેખાવ ભ્રામક હોઈ શકે તેમ છતાં’ય ખુલ્લી આંખે એ ભ્રમમાં સપના જોવાઈ જાય છે અને એટલી જ ઝડપથી રૂબરૂ મુલાકાત પછી આંખો ખુલી પણ જાય છે. આખી’ય ઘટનામાં ચહેરાની સુંદરતાનો ભ્રમ ઉભી કરતી કોસ્મેટીક ઇન્ડસ્ટ્રી અને ફોટોગ્રાફિક ટેકનોલોજીનો તો મોટો ફાળો છે જ પરંતુ સાથે સાથે, પોતે છે તેના કરતા વધુ સુંદર કે આકર્ષક દેખાવાની સ્વભાવગત ઘેલછાઓ અને અન્યોનું ધ્યાન પોતાના તરફ ખેંચવાની વૃત્તિ પણ છુપાયેલી છે. બધાને સુંદર અને આકર્ષક દેખાવું છે અને તે પણ પોતે વાસ્તવમાં છે તેના કરતા વધુ. અલબત્ત, સ્ત્રીઓમાં આ વૃત્તિ પુરુષો કરતા ઘણી વધુ પ્રબળ છે, માટે જ પુરુષોની સરખામણીએ સ્ત્રીઓ પોતાના દેખાવ પાછળ વધુ સમય અને નાણા ખર્ચતી હોય છે. યુવતીઓ તેમના પ્રોફાઈલ પિક્ચર વધારે બદલતી રહેતી હોય છે અને તેને આકર્ષક બનાવવા કોસ્મેટીક્સ, લાઈટીંગ, ફોટો એડીટીંગ વગેરેનો ભરપુર ઉપયોગ કરતી હોય છે. જયારે પુરુષોનું ધ્યાન મસલ્સને આકર્ષક બતાવવા ઉપર વધારે ચોટેલું  હોય છે, એમની ઘેલછા પોતાના ચહેરા કરતા બાયસેપ્સ કે એબ્સ બતાવવાની વધુ રહેતી હોય છે. પરંતુ, બધા માટે આ શક્ય નથી કારણ કે આ માટે તેમણે મહેનત કરવી પડે છે. બીજા શબ્દોમાં કહું તો; યુવતીઓને પોતાના દેખાવને આકર્ષક બનાવવા કોસ્મેટીક્સ અને ટેકનોલોજી જેટલી કામ આવે છે તેટલી યુવકોને આવતી નથી. પરિણામે આપણા જીમ-મિત્ર સાથે દેખાવના મુદ્દે જે દાવ થયો તેવું યુવતીઓને ખાસ થતું નથી. હા, ધીરે ધીરે કોસ્મેટીક ઇન્ડસ્ટ્રી પુરુષો માટેની સ્પેશીયલ પ્રોડક્ટ્સ મુકીને તેમનામાં પણ દબાઈને પડેલી આકર્ષક દેખાવવાની ભાવનાઓ ભડકાવીને પોતાનો ધંધો વધારી રહી છે તે માહોલમાં આવનારા સમયમાં પુરુષો પણ આ બાબતમાં પાછળ નહીં રહે તે નક્કી. આ વાતનો અર્થ સાવ એવો ના કાઢતા કે પોતે આકર્ષક લાગે તેવા ડીજીટલી મોડિફાઇડ ફોટા લોકો માત્ર બીજાને આકર્ષવા જ અપલોડ કરતા હોય છે, ઘણીવાર તેમની આ ચેષ્ટાઓ પાછળ પોતાની જાતને આકર્ષક રજુ કરીને આત્મવિશ્વાસ અનુભવવાની કે સ્વની હકારાત્મક છબી પોતાના મનમાં ઉભી કરવાની સુષુપ્ત ઈચ્છાઓ પણ કામ કરતી હોય છે. તેના ઉપર મળતી લાઈકસ્ અને હકારાત્મક કોમેન્ટસ્ તેમના આત્મવિશ્વાસમાં વધારો કરતી હોય અને પોઝીટીવ સેલ્ફ-ઈમેજને પોષતી હોય છે. ધાર્યા પ્રમાણેના પ્રતિભાવ ના મળે તો આત્મવિશ્વાસ તૂટતો જાય કે સ્વની છબી ખરડાતી જાય અને એ સંજોગોમાં યુવાનો હતાશ, ચીઢિયા કે વ્યસની બની ગયાના અનેક દાખલાઓ આપણી આજુબાજુ છે.

મારી વાત પ્રોફાઈલ પીક કે ઓનલાઈન દેખાવ પુરતી સીમિત નથી, વાસ્તવિક દેખાવ માટેની પણ છે. આજ કાલ માત્ર સ્ક્રીન ઉપર જ નહીં પરંતુ જે તમારી સામે છે એના દેખાવમાં પણ એક ભ્રમ છે. અત્યાર સુધી હિરોઈન, મોડેલ્સ કે સેલીબ્રીટીઓ દ્વારા ઉપયોગમાં લેવાતી પદ્ધતિઓ આજકાલ સામાન્ય યુવતીઓ પણ અપનાવવા માંડી છે. મેક-અપ, બ્યુટી ટ્રીટમેન્ટ, પુશઅપ-પેડેડ-વાયર્ડ બ્રા, બોડી શેપર, ટમી ટક, કોમ્પ્રેશન ટીશર્ટ, થાઈ શેપર, ટોરસો સ્લીમર વગેરે આ ભ્રમ ઉત્પન્ન કરનારા અને જોનારને ખુલ્લી આંખે છેતરી જાય એવા મહિલાઓ દ્વારા રોજીંદા ઉપયોગમાં લેવાતા પ્રસાધનો છે. (આ બધું શું છે તે ના સમજાય તો તમે ઘડપણ તરફ ઝડપથી આગળ વધી રહ્યા છો – નહીંતર કરો ગુગલીંગ…) આખી’ય વાતમાંથી કેળવવા જેવું વ્યવહારિક ડહાપણ એ છે કે તમને પાર્ટીમાં, મોલમાં કે સ્ટ્રીટમાં જોવા મળતી આકર્ષક સ્ત્રીઓના દેખાવમાં લગભગ ત્રીસથી ચાલીસ ટકા ભાગ આવા પ્રસાધનો કે યુક્તિઓ દ્વારા થતા વધારાનો હોય તે શક્ય છે. જો આ વાતનું ભાન ભૂલીને તમે કોઈના દેખાવ પાછળ ગાંડા થઇ જાવ તો, અમુક કિસ્સાઓમાં દાવ-પાણી ડોટ કોમ થઇ જવાની માનસિક તૈયારી રાખવી પડે. તાજેતરમાં જ એક સમાચાર વાંચ્યા હતા – નવવધૂએ રાત્રે મેક-અપ ઉતારતા જ તેના દેખાવથી ગભરાયેલા પતિએ રૂમની બહાર દોટ મૂકી!!

પૂર્ણવિરામ:

એ જમાનો દુર નથી કે વ્યક્તિનો સાચો દેખાવ જોવા તેમના નગ્ન ફોટા માંગવા પડે!!

Follow me on twitter @hansalbhachech / on INSTAGRAM @myhappyminds

 

Advertisements
 

Tags: , , , , , , , , , , , ,

Image

My inputs in Femina… Six ways to develop a Healthy Relationship

FullSizeRender 2

 
2 Comments

Posted by on October 26, 2015 in Interviews

 

Tags: , , , ,

#MovieWisdom #PyarKaPanchnama-2

#MovieWisdom #PyarKaPanchnama-2

# PyarKaPanchnama2

One more compilation of relationship jokes, as usual on women. Funny but one-sided. Three type of responses expected about this flick masculine, feminine and neutral. Masculine responders would love this movie the most as they will be able to relate or identify with FUBs (Frustrated, Used Boyfriends) ventilating in the movie. Feminine responders will oppose and argue about how men suck in the relationships. Obviously they will hate the film. Third one, neutral, they will neither relate nor oppose, simply enjoy few gags, laugh and go home forgetting what they have seen!

Eight minute signature hate speech of the movie is an outburst of frustrated boyfriend, has to be funny because more than a suffering it is an introspection of what extent girls can take a guy on a ride for his single minded interest in her.

Over all, few gags and hate speech makes it light comedy which looses its pace often. However, guys are gonna love it. Funny one liners will entertain the audience.

Sidhi baat, no bakvaas:

Hilarious, one time watch, provided you are not very senti about jokes on women.

Movie Wisdom:

  1. Love and relationship needs work and efforts, it is not self-growing. The way all three relationships start and progress through out the movie will make you understand one thing very clearly, falling in love or getting into relationship is far more easy than sustaining in it.

  2. Exotic vacations, expensive shopping bonanza or partying-drinking is not going to improve your relationship unless you address the core issues.

  3. One has to communicate on very first sign of an exploitation and stand for their self respect otherwise s/he will be left with feeling of used-up, suppressed anger, frustration and sometimes, guilt of being emotional dependent.

  4. One loving or caring attitude will not change face of your relationship, such patch up techniques takes you on emotional roller coaster.

  5. When you think that ‘Problem yeh hai ki woh ladki hai’, please extend your thought ‘aur meri niyat thik nahi’ 🙂 Girls are smart enough to read guy’s intentions in relationship. When she finds physical attraction as a sole intention, she may not interested in long term commitment but still takes the guy on a ride for her own purpose. She use her charm and sometimes, body to manipulate guy the way she wants.

  6. Loosing a peace of mind in love is not only with guys but that happens with girls as well. They also feel used, sucked, cheated and manipulated.

  7. When you feel that you are taken for granted or not respected, it’s time to talk or walk away to prevent further damage to your self-esteem and suffering.

Disclaimer : 🙂

I’m not a paid or commercial movie critic, neither this is technical review of the movie.This share is to help like-minded friends for spending their money and time effectively 🙂

 
 

Tags: , , ,

#MovieWisdom #Jazbaa

#MovieWisdom #Jazbaa

Jazbaa

Though I was watching films regularly since I wrote about ‘Masaan’, I couldn’t get time to write here. Many reader friends were insisting me to write few lines. I was also missing this section of my blog. The day it crossed magical figure of one lakh readers across seventy countries, I decided to be active on this section of my blog. I’m back with movie wisdom.

#Jazbaa

Captivating, good paced thriller with interesting final twist. Although courtroom drama is below average than what we have seen in many Bollywood flicks, lead performances keep the film alive. Moreover, beautiful cinematography and effective dialogues add to your viewing experience.
Aishwarya Rai has delivered a convincing performance minus her annoying grunts and screeches on some scenes 🙂  She looks impressive and beautiful in almost every frame, perfect choice of come back script. Irfan Khan plays typical and Shabana Azmi is ok like except last few minutes of her performance.

Sidhi baat, no bakvaas:

Nothing new, cleverly packaged, stylish time pass thriller.

Movie Wisdom:

  1. Do not mess with the mothers.

  2. Trauma of rape is devastating for victim as well as her keens.

  3. Guilty looks for and hire expensive lawyer than an Innocent

  4. wisdom from dialogues – रिश्तोंमे भरोसा और मोबाइलमें नेटवर्क ना हो तो लोग गेम खेलने लगते है – आज के जमानेमे शरीफ वो है जिसके मोबाइलमे पासवर्ड नहीं है

Disclaimer : 🙂

I’m not a paid or commercial movie critic, neither this is technical review of the movie.This share is to help like-minded friends for spending their money and time effectively 🙂

 
1 Comment

Posted by on October 16, 2015 in Reviews and Movie Wisdom

 

Tags: , , , , , , ,

અંદરખાને લાગણીઓના મુદ્દે તીવ્ર અસલામતી અને ડર અનુભવતી વ્યક્તિઓ સંબંધમાં જાણે-અજાણ્યે તમને રિબાવે છે!

spread a thought Tari ane mari vaat

‘જીવન એક યાત્રા છે, આપણે બધા યાત્રાળુ છીએ. હસતા રમતા આપણે યાત્રા પુરી કરી અને પરમધામમાં પહોંચી જવાનું છે’ જીવનનું સત્ય જાણે એક વાક્યમાં સમજાવી દેવાતું હોય તેવો આ મેસેજ વાંચતા  મારું મન વિચારે ચઢ્યું – જીવન એક યાત્રા સાચી, આપણે બધા યાત્રાળુ; ચાલો એ’ય સાચું, પરમધામ પણ સાચું પરંતુ હસતા-રમતા કેવી રીતે પહોંચવું? મોટાભાગના તો ભાગતા, દોડતા, લંગડાતા, હાંફતા, ઝગડતા, અફસોસ કરતાં, ફરિયાદો કરતાં, સંઘર્ષ કરતાં, એકબીજાના ટાંટિયા ખેંચતા અને સાથેસાથે પ્રેમ-સમર્પણ-ઉદારતા-ક્ષમા-માનવતાની વાતો કરતાં કરતાં જીવનની મજલ કાપતા જણાય છે !! કોઈપણ યાત્રા મઝાની ક્યારે બને ?! આ ‘મઝા’ ઘણાં પરિબળો પર આધારિત હોઈ શકે છે, અંગત મંતવ્યો અને માન્યતાઓની આ વાત છે. મારી તો સ્પષ્ટ માન્યતા છે કે યાત્રાની સાચી મઝાનો આધાર તમારા સહયાત્રીઓ કોણ છે તેની ઉપર છે. એક કકળાટીયો, ઉત્પાતીયો, વાંધાળો, રઘવાટિયો કે જીવખઉં તમારી આખેઆખી યાત્રા બગાડવા પુરતો હોય છે. જો સાથ-સંગાથ સારો હોય તો બાવળિયા હેઠળ પણ મઝા આવે અને જો એકબીજાને અનુકુળ ના હોય તો યુરોપમાં’ય લોહી ઉકાળા થાય !

‘પણ, બોસ આપણે તો એકલા જ યાત્રા કરતાં હોઈએ છીએ. સાથ-સંગાથની બબાલ જ નહી’ કેટલાક અંતર્મુખી અને નિજાનંદમાં મસ્ત યાત્રીઓ દલીલ કરશે પરંતુ યાત્રીગણ, તમે એકલા યાત્રા કરો અને બાજુની સીટમાં સતત રોતું છોકરું અને એને છાનું કેવી રીતે રાખવું એ વિષયમાં સંપૂર્ણ ‘ઢ’ એવી માતા હોય તો ?! સાથ-સંગાથની બબાલ વગર પણ મગજ કાણું થઇ જાય ને?!

જરૂરી નથી કે હંમેશા બધો દોષ સામે ખાટલે જ ઓઢાઢી શકાય. કેટલીકવાર સહયાત્રીઓ ખુબ સારા મળે અને તમે પોતે રાશી હોવ એમ પણ બને ! અને ત્યારે પેલા થાકીને મૂંગા થઇ જાય કે પોતાની યાત્રા સુધારવા હળવેથી સાથ છોડી જાય તેમ પણ બને !!

હવે મહત્વની વાત આવે છે. આપણી યાત્રાઓમાં તો સહયાત્રીઓ પસંદ કરવાની તક આપણને મળતી હોય છે. મનમેળ હોય તેવા મિત્રોને સાથે લઈને આપણે રખડીએ છીએ અને યાત્રાની મઝા લઈએ છીએ. મઝા ના આવતા સહયાત્રીઓ બદલવાની કંઇક અંશે આઝાદી પણ ભોગવીએ છીએ. પરંતુ, જો જીવનને જ એક યાત્રા ગણીએ તો મોટાભાગના સહપ્રવાસીઓ તો આપણને એમ જ ભટકાઈ જાય છે અને તેમની સાથે જ ગમે કે ના ગમે જીવન વ્યતીત કરવું પડતું હોય છે. જીવન દરમ્યાન સંબંધોમાં સંઘર્ષ કરતાં દરેકને પોતાના સહયાત્રીઓ સાથે લાગણીઓના મુદ્દે પ્રશ્નો હોય છે, એ યાત્રી પછી જીવનસાથી હોય, કુટુંબી હોય, સંબંધી હોય, મિત્ર હોય, સહકર્મચારી હોય, બોસ હોય, પાર્ટનર હોય વગેરે. આ બધાજ ઈચ્છા-અનિચ્છાએ આપણા સહપ્રવાસીઓ છે, આપણા સમય-શક્તિ-લાગણીઓના સહભાગીઓ છે. આપણા જીવનની મઝાઓ ઘણાં અંશે આ બધા ઉપર આધારિત છે. એમાંના કેટલાય આપણી લાગણીઓને નીચોવી નાખનારા અને થકવી નાખનારા હોય છે. લાગણીઓના મુદ્દે લોહી ચુસનારી વાગોળ જેવા હોય છે.ઈચ્છવા છતાં’ય છોડી ના શકાય તેવી આ વ્યક્તિઓ છે. આવી વ્યક્તિઓ પોતે અંદરખાને લાગણીઓના મુદ્દે તીવ્ર અસલામતી અને ડર અનુભવતી હોય છે. ખુબ આસાનીથી તે લાગણીઓના સંબંધ વિકસાવે છે અને તમારી લાગણીઓની શક્તિ ઉપર પોતાને સલામત અનુભવે છે. તેમને સતત પ્રેમ, કાળજી અને સ્વીકૃતિની આપો એટલી ઓછી પડે એ સ્તરની જરૂરીયાત રહે છે. તેમના ઉપરછલ્લા આત્મવિશ્વાસની નીચે આત્મવિશ્વાસનો અભાવ, ભય, શંકા, ગીલ્ટ, અપૂર્ણતા, પરાવલંબન વગેરે ઠાંસી ઠાંસીને ભરેલું હોય છે. જીવનના પ્રવાસમાં આવી વ્યક્તિઓનો સાથ આપણને રિબાવે છે. એમની સાથે જીવવાનું આવે તો વ્યક્તિ લાગણીઓથી નીચોવાઈ જાય, શરીરથી થાકી જાય, આક્રોશ અનુભવતી રહે, હતાશામાં રહે અને ભયથી જીવે. જયારે પણ એમનો સાથ કરવાનો થાય, સામનો કરવાનો થાય ત્યારે ત્યારે અંતર વલોવાય.

લાગણીઓના મુદ્દે રિબાવે તેવી આ વ્યક્તિઓમાં ખાસ કરીને સતત પોતાના મહત્વમાં જ રાચતી અને સતત અન્યનું એટેન્શન ઈચ્છતી સ્વકેન્દ્રી વ્યક્તિઓ, કોઈ વસ્તુ મેળવવા ધમપછાડા કરતાં હોય તે જ રીતે તમને મેળવવા પણ અનહદ ધમાલ કરતાં વસ્તુ અને વ્યક્તિ વચ્ચે ભેદ ના સમજતા વ્યક્તિઓ, ગૂંગળામણ થઇ જાય એટલી હદે મચીને તમારી સંભાળ લેતા વ્યક્તિઓ, પોતાની જાતને હંમેશા બિચારી કે શોષિત સમજતી વ્યક્તિઓ, સતત તમારા અવગુણો કે નબળાઈઓ જોતી વ્યક્તિઓ, લાગણીઓના મુદ્દે હંમેશા છેડા ઉપર જ રહેતી વ્યક્તિઓ (વરસે તો અતિ-વરસે અને બગડે તો અતિ-બગડે!), નાની નાની વાતોને કલ્પી ના શકાય તેવું રૂપ આપવાની વૃત્તિ ધરાવતી નાટકબાજ વ્યક્તિઓ વગેરેનો સમાવેશ કરી શકાય. આ વ્યક્તિઓ સાથેના સંબંધો દુઃખી કરનારા હોય કે ના હોય પણ લાગણીઓથી નીચોવીને આપણને થકવી નાખનારા તો જરૂર હોય છે. એમને સહન કરવાને બદલે મેનેજ કરતાં શીખવું પડે. અને જો તમે પોતે આવું વ્યક્તિત્વ ધરાવતા હોવ તો તમારે તમારી જાતને મેનેજ કરીને આ નબળાઈઓથી ઉપર ઉઠવું પડે, અલબત્ત સ્વીકારી શકો તો !!

પૂર્ણવિરામ:

લાગણીઓના મુદ્દે તમને નીચોવી નાખે એવાં વ્યક્તિઓ સાથેના સંબંધો લાગણીઓથી નહી પણ બુદ્ધિથી જાળવવા પડે !

Follow me on twitter @hansalbhachech

happyminds_logo1

 

 

 

Tags: , , , , , , , , , , , , ,

એક લાખ વિઝીટર્સ – સિત્તેર દેશો – આપ સૌ વાચકોનો હૃદયપૂર્વક આભાર One Lakh Visitors from seventy countries – Thank you so much readers…

IMG_7485

આજે આ બ્લોગના વિઝીટર્સની સંખ્યા એક લાખનો આંકડો પાર કરી ગઈ, સિત્તેર દેશોમાંથી નિયમિત રીતે વાચકો આ બ્લોગ વાંચી રહ્યા છે તે મારા માટે ગૌરવ લેવા જેવી વાત છે. મારા લખાણોમાં મેં હંમેશા એ વાતનું ધ્યાન રાખ્યું છે કે તેને વાંચવા પાછળ વાચકે ગાળેલો સમય નકામો ના જાય. મારા લખાણ વાંચવા પાછળ આપેલો તેનો સમય ઉગી નીકળે, તે વિચાર-વ્યવહાર-વર્તન-જીવનમાં એક પગથીયું ઉપર ઉઠે અને સાથે એક માનવી તરીકે આપણે ઉત્તમ બનતા જઈએ એવો ઉદ્દેશ સતત રહ્યો છે અને રહેશે. બસ, વાંચતા રહેશો, પ્રતિભાવ આપતા રહેશો અને ગમે તો બીજા મિત્રો સાથે વહેંચતા રહેશો એવી આશા સાથે આપ સૌ વાચકોનો હૃદયપૂર્વક આભાર

Today this blog has crossed one lakh visitors and that too from 70 countries, indeed a matter of proud for me. While writing, I have always kept one thing in my mind that readers should not feel that s/he has wasted her/his time reading it. In fact, sole purpose of my writings is to give readers worth of their time and uplift their thought process so that we can grow together as a human-being. I hope you will keep reading, responding and sharing when you like it. Thank you so much for your time and interest in reading my writings. 

 
7 Comments

Posted by on October 12, 2015 in Uncategorized

 

Tags: , , , , , ,

My Inputs in Navgujarat Samay for World Mental Health Day… માનસિક તણાવ અને ડિપ્રેશન એ ગ્લોબલ ક્રાઈસિસ બની રહ્યાં છે

માનસિક તણાવ અને ડિપ્રેશન એ ગ્લોબલ ક્રાઈસિસ બની રહ્યાં છે

આ આધુનિક યુગમાં ભૌતિક સુખસુવિધાઓ વધી છે, આનંદપ્રમોદ આપતાં સાધનો વધ્યા છે, ટેક્નોલોજી અને મેડિકલ ક્ષેત્રે થયેલા વિકાસના કારણે મનુષ્યની સરેરાશ આયુષ્યમર્યાદામાં વધારો થયો છે – આ બધું જોતાં મનુષ્યના સુખ અને શાંતિમાં પણ વધારો થવો જોઈએ. પરંતુ બન્યું છે તેથી ઊધું. મનુષ્યના સુખશાંતિમાં સતત ઘટાડો થઇ રહ્યો છે, જેની સીધી અસર માનસિક સ્વાસ્થ્ય પર પડી રહી છે.

વર્લ્ડ ફેડરેશન ઓફ મેન્ટલ હેલ્થના જણાવ્યા અનુસાર આજે ચારમાંથી એક પુખ્ત વયની વ્યક્તિને અને દસ બાળકોમાંથી એકને જીવનમાં ગમે તે સમયે માનસિક સમસ્યા ઉદભવી શકે છે. ચિંતાની વાત એ છે કે જેટલું મહત્ત્વ શારીરિક સ્વાસ્થ્યને અપાઈ રહ્યું છે તેટલું મહત્ત્વ માનસિક સ્વાસ્થ્યને અપાતું નથી. માનસિક સ્વાસ્થ્યની અગત્યતા અને તેની સારવારની તાકીદ પ્રત્યે લોકોને જાગૃત કરવા છેલ્લા એક દસકાથી વર્લ્ડ ફેડરેશન ઓફ મેન્ટલ હેલ્થ દ્વારા ૧૦ ઓક્ટોબરનો દિવસ ‘વર્લ્ડ મેન્ટલ હેલ્થ ડે’ તરીકે ઉજવાય છે. માનસિક સ્વાસ્થ્યનો બહુ મોટો આધાર જીવનશૈલી પર રહેલો છે. આજના ઝડપી અને સ્પર્ધાત્મક યુગમાં જીવનને સંતુલિત રાખવું એ પડકારરૂપ બની ગયું છે અને તેથી જ છેલ્લા થોડાં વર્ષોથી લોકોના જીવનનું સંતુલન ખોરવાતું જાય છે, જે છેવટે માનસિક તણાવ, ડિપ્રેશન, એંગ્ઝાઈટી જેવી માનસિક સમસ્યાઓમાં પરિણમે છે.

માનસિક સ્વાસ્થ્ય જોખમાવાનાં કારણો જણાવતાં જાણીતા મનોચિકિત્સક ડો. હંસલ ભચેચ જણાવે છે, ‘આજે સમયનો પ્રશ્ન બહુ મોટો બની ગયો છે. જીવનમાં ડિસ્ટ્રેક્શન્સ વધતા ગયા પણ સમય તો એટલો જ રહ્યો. આજે સામાન્ય લોકોના જીવનનો પણ સરેરાશ એક કલાક સોશિયલ મીડિયામાં જતો રહે છે. યુવા પેઢીનો તો તેથી પણ વધુ. પરિણામે સમયની તાણ વર્તાય છે, જે માનસિક તણાવ પ્રેરે છે. સમય ઓછો મળતાં લોકો મલ્ટિટાસ્કિંગ કરતાં થયાં છે, પણ આપણું મગજ એ રીતે વાયર્ડ નથી. તે એક સમયે એક જ વસ્તુ પર કેન્દ્રિત થવા સર્જાયેલું છે. એટલે તણાવ વધે છે. વળી આજે આંતર માનવીય સંબંધોની ઉષ્મા અને તાકાત ઘટવા લાગી છે. મિત્રો, કુટુંબ, સમાજ સાથેના સંબંધો એક બફર તરીકે કામ કરે છે, એ બફર હવે પાતળું થતું જાય છે. માહિતીનો ઝિંકાઈ રહેલો બોજ પણ મગજને થકવી નાંખે છે અને તણાવ જન્માવે છે. તણાવ વધવાને કારણે સાઈકોસોમેટિક રોગોમાં જબરજસ્ત વધારો છેલ્લા એક દાયકામાં નોંધાયો છે. સ્ટ્રેસ, ડિપ્રેશન અને એંગ્ઝાઈટીને કારણે આજકાલ નાની ઉંમરે હાર્ટ એટેક, મોતિયો, ડાયાબિટીસ જેવા રોગોના ભોગ લોકો બનવા લાગ્યા છે, જે હકીકતમાં મોટી ઉંમરે થતા રોગો છે. આમ માનસિક અસ્વસ્થતાની ખૂબ ઊંડી અને સીધી અસર શારીરિક સ્વાસ્થ્ય પર પડી રહી છે જે ખૂબ ચિંતાજનક છે. નવી પેઢીએ એ સમજવું પડશે કે સ્વાસ્થ્ય માટે ફક્ત પોષક આહાર કે કસરત પૂરતાં નથી, બલકે સ્વસ્થ મન એ સૌથી અગત્યની બાબત છે.’

આજે પણ માનસિક બીમારીને એક સ્ટિગ્મા તરીકે જોવામાં આવે છે. ‘હું ડિપ્રેશન કે અસલામતી અનુભવું છું’ એવું વ્યક્તિ જાહેરમાં કહેતાં ખચકાય છે, એટલું જ નહીં, આવી વ્યક્તિઓને સમાજ તરફથી ના તો જરૂરી નૈતિક ટેકો સાંપડે છે, ના તો તેની યોગ્ય સારવાર. ફક્ત આપણા દેશમાં જ નહીં, પણ પશ્ચિમના દેશોમાં પણ માનસિક અને વાર્તનિક સમસ્યાને હિણપતભરી નજરે જોવામાં આવે છે. એટલે જ આ વર્ષની થીમ છે, ‘ડિગ્નીટી ઇન મેન્ટલ હેલ્થ.’ માનસિક સમસ્યાના દર્દીઓનું આત્મગૌરવ જળવાય તે ખૂબ અગત્યની બાબત છે. તો જ તેની સારવાર પ્રત્યે વ્યક્તિ અને તેના કુટુંબીજનો ખુલ્લાં થશે. સ્ટ્રેસ, ડિપ્રેશન જેવી હળવી માનસિક સમસ્યાઓથી લઈને સ્કિઝોફ્રેનિયા, બાયપોલર મૂડ ડિસઓર્ડર, પર્સનાલિટી ડિસઓર્ડર જેવા ગંભીર મનોવિકારોની સત્વરે અને પ્રોપર ટ્રીટમેન્ટ કરાવવી ખૂબ જરૂરી છે.

‘પ્રિવેન્શન ઈઝ બેટર ધેન ક્યોર’ એ મુજબ માનસિક સ્વાસ્થ્યમાં ગરબડ ના થાય તે માટે મનોચિકિત્સક ડો. હંસલ ભચેચે કેટલાંક અગમચેતીનાં પગલાં નીચે મુજબ સૂચવ્યા છે.

> જીવનમાં પ્રાથમિકતા નક્કી કરો. લોકો ભલે ગમે તે કહે પણ મારે તો જીવનમાં આ જ કરવું છે એમ તમારું ચોક્કસ લક્ષ્ય નક્કી કરીને જીવો.

> પ્રોફેશનલ અને પર્સનલ લાઈફમાં બેલેન્સ જાળવવાનો પ્રયત્ન કરો.

> વર્ચ્યુઅલ સંબંધો કરતાં એકચ્યુઅલ સંબંધો વિકસાવો. મોબાઈલ ફોનથી ટેક્સ્ટ મેસેજ કરવાનો બદલે ફોનથી વાત કરો, કારણ કે તેમાં લાગણીઓ સ્પર્શ છે.

> જાત સાથે કનેક્ટ થવા માટે દિવસમાં નિશ્ચિતપણે અમુક સમય ફાળવો. એ સમય દરમિયાન પ્રાણાયામ કે ધ્યાન કરો, મ્યુઝિક સાંભળો, ડાયરી લખો – એવી કોઈ પણ પ્રવૃત્તિ કરો જે તમને તમારા ‘સ્વ’ સાથે કનેક્ટ કરે.

> પ્રકૃ્તિ સાથે થોડો સમય વીતાવો.

Mental Health Day 2015

thumb_IMG_7464_1024

happyminds_logo1

 
1 Comment

Posted by on October 10, 2015 in Interviews

 

Tags: , , , , , , , , , , ,