RSS

Monthly Archives: November 2014

જીવનમાં બુદ્ધિથી છેતરાવા કરતા લાગણીથી છેતરાવાના પ્રસંગો ઘણા વધુ પ્રમાણમાં અને ઘણી સરળતાથી આવતા હોય છે

આઈફોન સિક્સ પ્લસના સાઈઠ હજાર અપાય?! હીરા બ્રાન્ડેડ લેવાય, આપણા સોની પાસેથી લેવાય કે પછી ઘર ઘરમાં કરતા કોઈ ઓળખાણમાં લેવાય?! ફલાણી સ્કીમ કે ફલાણા વિસ્તારમાં ઘર લેવાય?! – જીવનમાં ડગલેને પગલે ઉભા થતા આવા સંજોગોમાં તમે નિર્ણય ઉપર કેવી રીતે આવો?! કોઈપણ મેનેજમેન્ટ નિષ્ણાતને કે પછી તમને જીવન જીવતા શીખવવા નીકળી પડેલા લાઈફ કોચને પૂછશો કે આવા સંજોગોમાં નિર્ણય કેવી રીતે કરવો તો એ તમને આખી લાંબીલચક પ્રક્રિયા સમજાવશે. એક કાગળ લો, વચ્ચે લીટી દોરીને એને બે ભાગમાં વહેંચો. એક ભાગ ઉપર મથાળું મારો ‘ફાયદા’ અને બીજા ઉપર લખો ‘ગેરફાયદા’, પછી તમે દરેક પસંદગીના ફાયદા-ગેરફાયદા તપાસો અને નોધ કરો. આ ઉપરાંત તમારી આર્થિક બાબતો, પ્રાથમિકતાઓ વગરે પણ કાગળ ઉપર ટપકાવો. આ બધી જ કસરત કર્યા બાદ જે પસંદગી ઉત્તમ લાગે તેની તરફેણમાં નિર્ણય લેવો. સૈદ્ધાંતિક રીતે યોગ્ય લાગે, વાંચીએ કે સાંભળીયે ત્યારે પ્રભાવિત થઈએ તેમ છતાં પણ ક્યારે’ય વ્યવહારમાં આપણે આવી રીતે નિર્ણય લઈએ છીએ ખરા?! ના, મોટાભાગે તો નહીં જ અને તેમ છતાં’ય કોઈ મૂંઝાતી વ્યક્તિ આપણી પાસે સલાહ લેવા આવે તો પાછા સ્ટાઈલથી આવું બધું શીખવીએ છીએ ખરા !

તો પછી વ્યવહારમાં આપણે આવા નિર્ણયો કેવી રીતે લઈએ છીએ?! એની વાત પછી કરીએ, પહેલા એ વાત કરીએ કે પુસ્તકો, વર્ક્શોપો, લેકચરો વગેરેમાં શીખવવામાં આવતી નિર્ણય લેવાની આ પ્રક્રિયા વ્યવહારમાં કેમ ભાગ્યે જ ઉપયોગમાં લેવાય છે? ખાલી આજ દિવાળીની વાત કરીએ તો હજ્જારો આઈફોનો કે કરોડોના હીરા ખરીદાયા હશે પણ કોઈએ તે અંગેનો નિર્ણય લેવા આવી કસરત કરી હશે?! ના જ કરી હોય અને કરી પણ ના શકાય!! ઘણા કારણો છે, પહેલા તો આપણી કલ્પના શક્તિ જ એટલી વિકસિત નથી હોતી કે આપણે ફાયદા-ગેરફાયદાની પુરેપુરી અને વિસ્તૃત કલ્પના કરીને એની યોગ્ય યાદી બનાવી શકીએ. આપણી કલ્પનાઓ તો આપણને થયેલા અનુભવો સુધી જ સીમિત હોય છે. બીજા અર્થમાં કહીએ તો આપણા અંગત અનુભવમાં ના હોય તેવી બાબતોની કલ્પના કરવી સામાન્ય વ્યક્તિઓ માટે અઘરી અને બોરિંગ વાત છે. આ ઉપરાંત મોટા ભાગની વ્યક્તિઓનું મગજ આવી ગણતરીઓ કરવા ટેવાયેલું નથી હોતું કારણ કે તે ધીરજ, સમય અને મહેનત માંગી લે તેવું કામ છે. જયારે આપણે તાત્કાલિક, આવેગશીલ(ઈમ્પલ્સીવ) કે શક્ય તેટલી ઝડપથી નિર્ણય લેવા આપણા મગજને કેળવ્યું છે અથવા એમ કહોને કે માર્કેટિંગના નિષ્ણાતોએ તેમના વિવિધ ગતકડાઓ દ્વારા આપણને આ ચક્કરમાં પાડી દીધા છે. લોન્ચિંગ ઈવેન્ટ્સ(તમારી અક્કલ બહેર મારી જાય અને તમે લાગણીસભર થઇ જાવ એટલે અમારું કામ પત્યું), જ્યાં સુધી સ્ટોક હશે ત્યાં સુધીની ઓફરો( જો જો રહી ના જાવ, નહીંતર તમે પસ્તાશો એવું અમે તમારા મગજમાં ઠસાવી દઈશું), ઓન ધ સ્પોટ ફાઈનાન્સ(બજેટની ગણતરી છોડો, અત્યારે તો અમે આપીએ છીએ,તમે ત્યારે વાપરોને મઝા કરો), ગુડ્ઝ રીટર્ન પોલીસી(અત્યારે તો લઇ લો, ના ગમે તો પાછું લઇ લઈશું!), મેગા સેલ (હવે ખાલી સેલથી કામ ચાલે એવું નથી, આગળ મેગા, લુંટ, અનબિલીવેબલ, ધૂમ ખરીદી, મહા બચત વગેરે વિશેષણો અનિવાર્ય થઇ ગયા છે!), સેલીબ્રીટીઓ – આકર્ષક મોડેલોને લઈને થતી મોટી મોટી જાહેરાતો(જાહેરાતની અને તેમાં આ લોકોના ફોટા જોવાની કિંમત પણ સરવાળે તમારે જ ચુકવવાની છે) વગેરે આપણને કોઈપણ ખરીદી પહેલા વિચારતા અટકાવવાની સ્કીમો છે !

spread a thought

કંઈ સમજાયું?! ખરીદી કે પસંદગી અંગે નિર્ણય લેવાની બાબતમાં મગજને બંધ રાખવાની આપણી વૃત્તિઓ તો હતી જ અને એમાં ઉપરથી પોતાનો માલ પધરાવવાની તરકીબોએ તાળું મારી દીધું. એટલે, આજકાલ આપણે, ‘હું, તમે અને વિશ્વના મોટાભાગના લોકો’ બુદ્ધિથી ઓછી અને લાગણીઓથી વધુ ખરીદી કરીએ છીએ! આપણે મન વસ્તુની ઉપયોગીતા કે ગુણવત્તાના મહત્વનું સ્થાન તેના પ્રમોશન, તેના બ્રાંડ એમ્બેસેડર, તેની લાગણીસભર ટેગ લાઈન્સ કે જાહેરાતોએ લઇ લીધું છે. દિવસેને દિવસે આપણા મગજ પરનો આ ભરડો એટલો મજબુત થઇ ગયો છે કે હવે તો કોઈપણ વિકલ્પના ફાયદા-ગેરફાયદા પણ બુદ્ધિથી વિચારવાને બદલે લાગણીઓથી નક્કી કરીએ છીએ. બીજા અર્થમાં કહું તો પસંદગી તો લાગણીઓથી નક્કી જ હોય છે પણ તે યોગ્ય છે એવું આપણા મનને અને અન્યને ઠસાવવાની દલીલો કરવા આપણે બુદ્ધિને કામે લગાડીએ છીએ. ‘લેવું હોય તો લઇ લેવાનું, બહુ વિચાર કરે એ ક્યારે’ય લઇ ના શકે’ આપણી જાતને સમજાવવા અને અન્યને ટોણો મારવા કામ આવે એવી આ ફિલસુફી વાપરનારા લોકોએ એ સમજવાની જરૂર છે કે બહુ વિચાર્યા પછી જે ના લેવાય તે મોટાભાગે તમારા માટે બિનજરૂરી કે યોગ્ય જ હોય છે. આ વાત કદાચ જે તે સમયે તાત્કાલિક ના સમજાય પણ સમય જતા સમજાઈ જતી હોય છે.

આપણે જેની વાત કરી તે આજનું વ્યાપારિક સત્ય છે પરંતુ સાવ સાચી વાત એ છે કે એ વ્યવહારિક સત્યથી ખાસ અલગ નથી. વ્યાપારિક અવળચંડાઇએ બદલાયેલી આપણી માનસિકતાની ગંભીર અસર આપણા પ્રત્યેક વ્યવહારોમાં પડી છે. ખરેખર તો આજની વાતમાં આપણા જીવનના સુખ, સંતોષ અને સાર્થકતા સાથે સંકળાયેલું એક મોટું સત્ય છુપાયેલું છે. માનીએ કે ના માનીએ, સ્વીકારીએ કે ના સ્વીકારીએ પણ આપણી પસંદગીઓમાં બુદ્ધી ઓછી અને લાગણીઓ વધુ હોય છે. જયારે આપણી લાગણીઓને ઠેસ પહોંચે છે ત્યારે આપણી પસંદગી પ્રત્યે અફસોસ અનુભવીએ છીએ અને દુખી થઈએ છીએ. જીવનમાં બુદ્ધિથી છેતરાવા કરતા લાગણીથી છેતરાવાના પ્રસંગો ઘણા વધુ પ્રમાણમાં અને ઘણી સરળતાથી આવતા હોય છે. ‘આપણે શું વિચારીએ છીએ’ તેના કરતા ‘આપણે શું અનુભવીએ છીએ’ તેના ઉપર આપણું સુખ નિર્ભર હોય છે. જો આ બધી જ વાત સમજાતી હોય તો એ પણ સમજાઈ જવું જોઈએ કે લાગણીઓ ઉપરનો યોગ્ય કાબુ અને બુદ્ધિનો વ્યવહારુ ઉપયોગ સુખી જીવનની જડીબુટ્ટી છે.

પૂર્ણવિરામ:

લાગણીપ્રધાન લોકોની લાગણીઓને બુધ્ધિથી મચડીને બુદ્ધિપ્રધાન લોકો તેની મજા લેતા હોય છે…

Quote 5

Advertisements
 

Tags: , , , , , , , ,

Share about The Shaukeens…

The Shaukeens…

Shaukeens

 

Who will enjoy togetherness more, couple with first marriage or second marriage?! Obviously former one as they have nothing to compare. Couple in second marriage has first marriage as a reference frame against which partners (more true for women than men) compare their current togetherness. We all know such comparison reduces our fun, happiness and enjoyment. Exactly same logic applies when you see remake of old classics, those who have seen original one will be more dissatisfied than who are watching it for first time. So, if I make it simple, the Shaukeens is less funny to me than my son. However, movie does have many witty dialogues and humorous scenes.

Central theme of ‘never dying interests of ageing men in young women’ has a vast potential for creating humor. Unfortunately, Ahishek Sharma and Tigmanshu Dhulia have failed to squeeze the theme maximally to generate abundantly possible laughter. Piyush Mishra is best among three oldies. Akshay, Anupam and Anu have done well but nothing new. Lisa has served her purpose. Songs are unnecessary and intrusive, as usual.

Sidhi baat, no bakvaas:

Good time pass entertainment

Movie Wisdom:

  1. Men age faster physically than mentally.
  2. No matter how weak his hunting capacities have gone, hunter will always have high hopes about the kill 🙂
  3. Smart woman can take any male on ride for her benefits but gets maximum out of oldies as they are more likely to hang on 🙂

Disclaimer : 🙂

I’m not a paid or commercial movie critic, neither this is technical review of the movie.This share is to help like-minded friends for spending their money and time effectively 🙂

spread a thought

 
3 Comments

Posted by on November 12, 2014 in Reviews and Movie Wisdom

 

Tags: , , , , , , , , ,

મોબાઈલ હવે યંત્ર ના રહેતાં શરીરનો એક ભાગ બની ગયો છે. જો મોબાઈલ હાથમાં,ખિસ્સામાં કે હાથવગો ના હોય તો જાણે કોઈ અંગ ખૂટતું હોય એવું લાગવા માંડે !

દિવાળીની રજાઓમાં જુના થઇ ગયેલા એક સમાચાર ઉપર નજર પડી અને મગજમાં એક રમુજ યાદ આવી ગઈ. પહેલાં રમુજ કહું પછી સમાચારની વાત.

એકવાર એક બેને મનોચિકિત્સકને પુછ્યું કે ‘સાહેબ મારા પતિ રાત્રે ઊંઘમાં બોલે છે તો મારે શું કરવું?’

‘બેન એમને દિવસે બોલવાનો મોકો આપો’ મનોચિકિત્સકે ગંભીર થઈને જવાબ આપ્યો.

‘સાહેબ મજાકની વાત નથી, મને રાત્રે ઊંઘ નથી આવતી’ બેન વધુ ગંભીર થઇ ગયા.

‘શું એ એટલે મોટેથી બોલે છે કે તમે સુઈ ના શકો?!’ મનોચિકિત્સકે પૂછ્યું.

બેને આંખો ઝીણી કરીને કહ્યું ‘ના સાહેબ એ એટલે ધીરેથી બોલે છે કે એ શું બોલે છે એ સમજવા હું જાગતી રહું છું’

*******

હવે નજરે ચઢેલા સમાચાર – યુવાનો અને ખાસ કરીને ટીનેજર્સમાં દેખા દઈ રહેલી નવી સમસ્યા- સ્લીપ ટેસ્ટીંગ ! લોકો ઊંઘમાં ચિત્ર-વિચિત્ર હરકતો કરતાં હોય છે જેવી કે; ઊંઘમાં બોલવું, બુમો-ચીસો પાડવી, લાતો મારવી, ચાલવા માંડવું વગેરે. હવે આ હરકતોમાં એક નવી પ્રવૃત્તિ ઉમેરવી પડે એમ છે – ઊંઘમાં એસએમએસ કે મેસેજીસ કરવા (સ્લીપ ટેકસ્ટીંગ), બોલો ! દુનિયાભરના ટીનેજર્સમાં વકરતી જતી આ સમસ્યા છે. આ સમસ્યાગ્રસ્ત વ્યક્તિ તમને રાત્રે ઊંઘમાં સમજાય-નાસમજાય તેવા એસએમએસ-મેસેજીસ કરે છે અને તમે સવારે એને પૂછો કે ‘અલ્યા રાત્રે આ શું બધું ઠપકાર્યું છે!?’ તો એ વ્યક્તિ બાઘી બનીને કહેશે કે એને કંઈ ખબર જ નથી!

આવી સમસ્યામાં તો આપણી રમુજની જેમ ‘એને દિવસે ટેકસ્ટીંગ કરવાની તક આપો’ એવો અભિપ્રાય મજાક ખાતર પણ આપી શકાય તેમ નથી કારણ કે આખો દિવસ મોબાઈલ, ટેકસ્ટીંગ, મેસેજીંગ, ચેટીંગ, ઇ-મેઈલ વગેરે પર લટકી રહેવાની તો આ મોકાણ છે. આજે મોટાભાગનો કિશોર અને યુવાવર્ગ ટેકસ્ટીંગ, મેસેજીંગ કે ચેટીંગ પર લટકેલો છે. એસએમએસ તો હવે એલર્ટ અને પ્રમોશનો પૂરતા જ રહી ગયા છે. લગભગ બધું જ ટેકસ્ટીંગ-ચેટીંગ વોટ’સ્ એપ, વાઈબર, આઈ મેસેજીસ, ટેલીગ્રામ, સ્નેપ ચેટ વગેરે ઉપર આવી ગયું છે. નબળા-ગબલા ફોન કરે અને કુલ ગાય’ઝ એન્ડ ગલ મેસેજીંગ કરે એવો ફંડા તો ક્યારનો’ય આકાર લઇ ચુક્યો છે. મોટાભાગનો આ સમુદાય દિવસના બે કલાક જેટલો સમય ટેકસ્ટીંગ અને મેસેજીંગથી ચેટ કરવામાં ગાળે છે. દિવસના સો થી વધુ ટેકસ્ટીંગ અને મેસેજીંગ કરતો આ વર્ગ છે. બાજુમાં બેઠેલા જોડે પણ ચેટથી વાતો કરવી કુલ ગણતા આ વીરલાઓની આંગળીઓના ટેરવામાં ગજબની લય તમને જોવા મળે. કી પેડ ઉપર જોયા વગર જે ઝડપથી તે મેસેજ ટાઈપ કરતાં હોય છે તેનાથી અડધી ઝડપે તમે કી પેડ પર જોઈને’ય ટાઈપ ના કરી શકો. (હવેના જમાનામાં ઝડપથી મેસેજ ટાઈપ ના કરી શકવો એ વૃધત્વની નિશાની ગણાય !). એમાં’ય મોટાભાગનો આ વર્ગ તો ચેટિંગ કરતાં કરતાં માથે મોબાઈલ-લેપટોપ લઈને સુઈ જતો વર્ગ છે. તેમનું રાતનું છેલ્લું કામ અને સવારનું પહેલું કામ મેસેજીંગ છે અને રાત્રે વચ્ચે ઊંઘમાંથી જાગી જાય તો પણ સ્ટેટસ અપડેટ! હવે આ માહોલમાં ‘સ્લીપ ટેકસ્ટીંગ’ ના થાય તો શું થાય?!

ઉપાય સરળ છે પણ આચરણમાં મુકવો અઘરો છે. આમ તો જીવનનું સનાતન સત્ય છે કે મોટાભાગના પ્રશ્નોના ઉપાયો એકદમ સરળ હોય છે, માત્ર તેનો અમલ કરવો કે આચરણમાં મુકવું જ અઘરું હોય છે! રાત્રે તમારા લેપટોપ, મોબાઈલ વગેરે દસ ફૂટ દૂર રાખીને સુઈ જાવ પછી ઊંઘમાં ટેકસ્ટીંગ કરવાની શક્યતાઓ જ નહીં રહે! ‘અરે હોય કંઈ? મોબાઈલ બાજુમાં ના હોય તો ઊંઘ કેવી રીતે આવે?!’ કમનસીબે વાતે’ય સાચી છે. મોટાભાગની વ્યક્તિઓ માટે હવે મોબાઈલ યંત્ર ના રહેતાં શરીરનો એક ભાગ બની ગયો છે. જો મોબાઈલ હાથમાં,ખિસ્સામાં કે હાથવગો ના હોય તો જાણે કંઇક ખૂટતું હોય એવું લાગવા માંડે. જેને આ વળગણ નથી તેને પણ આપણે વળગણ કરાવીએ છીએ. ‘મોબાઈલ ગમે ત્યાં પડ્યો હોય તો રાખવાનો શું અર્થ છે?! એમ કહીને ધમકાવીએ છીએ. મિસ-કોલ કે મેસેજનો તરત જવાબ ના મળતા પણ મહેણાં ઠપકારીએ છીએ કે જાણે એમણે તમારી ગંભીર અવગણના કરી નાખી હોય. કાશ એ વખતે સામેવાળો એવું રોકડું પરખાવે કે ‘મોબાઈલ મારી સવલત માટે છે તારી નહીં’ તો આ સીલસીલો બંધ થઇ જાય અને સાથે સાથે સંબંધ પણ!!

spread a thought

સ્લીપ-ટેકસ્ટીંગની આ આખી વાતે તો મને બીજી ઘણી શક્યતાઓની પણ કલ્પના કરાવી દીધી. બીમારીઓનો ડોળ કરીને લાગતા-વળગતાને ચાલાકીથી મચડતો પણ એક વર્ગ છે. આ વર્ગ સામેવાળાને જાગતા નહી જણાવી શકતો હોય તે આ ‘સ્લીપ ટેકસ્ટીંગ’ના ઓઠા હેઠળ થમાવી દેશે. ગાળો દઈ દેશે, આઇ લવ યુ કહી દેશે, કોક’ના સિક્રેટ કહી દેશે વગેરે. કામધંધા વગરના અને સતત ગામને છેતરવાના મોકા શોધતા લોકો ‘સ્લીપ ટેકસ્ટીંગ’ની ભાષા ઉકેલનારા નિષ્ણાત બની જશે (જેવી રીતે સ્વપ્ન, પૂર્વજન્મ, હસ્તાક્ષર, હસ્તરેખા વગેરે ઉકેલનારાઓ છે. કો’કે વિધિસર અભ્યાસ કરીને નિપુણતા મેળવી પણ હોય પરંતુ મોટાભાગના ચલતાપુર્જાઓ છે જે સામેવાળાના નબળા સમયનો લાભ લઇ જાય છે. સો કરોડની લોટરી જીતનારો એ કેમ જીત્યો તે જાણવા ક્યારે’ય ના જાય પણ શેર બજારમાં એક કરોડ મુકનારો આ લોકોના શરણે વહેલો-મોડો જાય ખરો !). મનોચિકિત્સક તરીકે હું તો એટલું જ માનું છું કે આવનારો જમાનો ‘પેટ ચોળીને ઉભી કરેલી પીડા’નો જમાનો હશે. હવે બેક્ટેરિયા અને વાયરસ કરતાં આપણી પોતાની જીવનશૈલી જ આપણને રીબાવશે. તમારી જીવનશૈલી જ નવા નવા રોગો ઉભા કરશે અને એમાં વળી આવી ‘સ્લીપ ટેકસ્ટીંગ’ જેવી સમસ્યાઓ, સરવાળે તો સંયમ આપણે જ કેળવવાનો છે ને?

પૂર્ણવિરામ:

ટેકસ્ટીંગે આપણને બેફામ, બેશરમ, અધીરા અને બેજવાબદાર બનાવી દીધા છે કારણ કે એનાથી ગમે તે, ગમે તેને, ગમે ત્યારે અને ગમે તે રીતે આપણે પરખાવી દઈ શકીએ છીએ, આંખની શરમ વિના!

Cover

 

 

Tags: , , , , , , , , , , ,