RSS

Monthly Archives: August 2012

‘તું અને હું, બસ બીજું શું?!’ ની નવી આવૃત્તિ

મિત્રો,

આપને જણાવતા આનંદ થાય છે કે ‘તું અને હું, બસ બીજું શું?!’ ની નવી આવૃત્તિ બજારમાં ઉપલબ્ધ થઇ ગઈ છે. છ મહિનાથી પણ ઓછા ગાળામાં બીજી આવૃત્તિ આ પુસ્તકની લોકપ્રિયતાનું સીધું પ્રમાણ છે. આ તબક્કે આપના મારા લખાણ પરત્વેના પ્રેમ અને રુચિનો હું ઋણી છું. આભાર વાચક મિત્રો 🙂

Image

સાથે સાથે માણો વિક્રમી વેચાણના દરરોજ નવા શિખરો સર કરતી ‘પણ, હું તો તને પ્રેમ કરું છું !’ નો રેડીઓ રીવ્યુ…..

 

 
1 Comment

Posted by on August 29, 2012 in Uncategorized

 

માબાપ કોઈપણ યુગના હોય, સંતાનના ઘડતર અંગે હંમેશા ચિંતિત રહ્યા છે સંતાન અવળે માર્ગે જવાની શક્યતાઓ સતત વધી રહી છે અને સાથે સાથે માબાપની ચિંતાઓ પણ !

 

આપણે ચર્ચા ઉખેળી હતી સંતાન અને માબાપના પ્રશ્નોની, ચાલો વાત આગળ ધપાવીએ.

માબાપ કોઈપણ યુગના હોય, સંતાનના ઘડતર અંગે હંમેશા ચિંતિત રહ્યા છે. પરંતુ, કમનસીબે માનવજાતની ઉત્ક્રાંતિ અને ટેકનોલોજીના વિકાસની સાથે સાથે આ ચિંતાઓ વધતી ચાલી છે. ટેકનોલોજી ખરાબ નથી પરંતુ તેની મદદથી પોતાનો વેપલો કરતાં ધંધાદારીઓ રોજબરોજ નવા નવા આકર્ષણો (ડીસ્ટ્રેકશન્સ) શોધીને બધાને રવાડે ચઢાવે છે અને પોતાનો ધંધો કરે છે. સ્વાભાવિક રીતે જ કુતુહલતાવશ સતત નવી નવી વસ્તુઓથી આકર્ષાતા રહેતાં અને અપરિપક્વ એવાં કિશોરો(ટીનએજર્સ) ઉપર એની સૌથી વધુ અસર થાય છે. એક સાવ નાનું ઉદાહરણ આપું. ‘બીગબોસ’ નામના રીયાલીટી શો (આમ તો મોટાભાગના કિસ્સાઓમાં ‘રીયાલીટી’ શબ્દનો ઉપયોગ પબ્લીકને ઉલ્લુ બનાવવા પુરતો જ હોય છે બાકી, એમાં કેટલું ‘રીઅલ’ હોય છે તે ભગવાન જાણે કે પછી તેનો પ્રોડ્યુસર!) માં પોતાની ટીઆરપી વધારવા એક પોર્નસ્ટારને ઘરમાં ઘુસાડી. પરિણામ એ આવ્યું કે ‘બીગબોસ’ના પ્રેક્ષકો વધ્યા તેના કરતાં અનેકગણા (ખાસ કરીને કિશોર અને યુવાવયના) ‘પોર્નોગ્રાફી’ના રવાડે ચઢી ગયા, ભારત અને પાકિસ્તાન બંનેમાં!!

ટૂંકમાં, સંતાન અવળે માર્ગે જવાની શક્યતાઓ સતત વધી રહી છે અને સાથે સાથે માબાપની ચિંતાઓ પણ. જે રીતે આ ધંધાદારીઓએ એમના માનસ ઉપર કબજો જમાવ્યો છે એ રીતે ચિંતા કરે કશું વળવાનું નથી. ‘અમે તમારી ઉંમરે ફલાણું કરતાં’તા-ઢીંકણું કરતાં’તા’ એવી વિસરાતી વાતોમાં આજના કોઈ યુવાનો કે કિશોરોને રસ નથી કારણ કે એ વાતોનો આજના ટેકનોલોજી ભરેલા યુગ સાથે કોઈ સંદર્ભ નથી. તમે ઘરમાં અને માબાપ સાથે વધુ સમય ગાળતા’તા કારણ કે તમારી પાસે બહાર જવાની જગ્યાઓ કે વાહનો નહતા, આજે તેમની પાસે બંને છે !(ઘણાં એવી દલીલો કરે છે કે આજકાલ ક્લબો-પાર્ટીઓમાં રખડતા માબાપોને છોકરાઓ માટે ટાઈમ નથી, મારું માનવું જરા જુદું છે.ક્લબો-પાર્ટીઓ ઉપલબ્ધ હોય તેવો વર્ગ કે સંતાનો માટે સમય જ ના હોય તેવો વર્ગ કુલ સંખ્યાની સરખામણીએ લગભગ અવગણી શકાય તેટલો છે. બાકી મોટાભાગના માબાપોની પ્રાથમિકતામાં સંતાન ટોચ ઉપર હોય છે.) તમે વાર-તહેવારે બે-ત્રણ મહિને એકાદ ફિલ્મ જોતા’તા અને આજે તેઓ દિવસમાં બે-ત્રણ ફિલ્મો જોઈ શકે છે ટીવી, લેપટોપ, ટેબ્લેટ કે મોબાઈલમાં ! તમે પુસ્તકો વાંચતા’તા કારણકે તમારી પાસે બીજા કોઈ વિકલ્પ જ નહતા, જયારે આજે તેમની પાસે અનેક વિકલ્પો છે. તમે ઘરની બહાર રમતો રમતા’તા પણ આજે તેમના ખોળામાં કે હાથમાં રમતો છે, તેમને રમવા માટે બહાર જવાની જરૂર નથી ! આવી તો અસંખ્ય અસમાનતાઓ છે જેને કારણે તમે તમારી કિશોરાવસ્થાનો સંદર્ભ ટાંકીને તેમનું ઘડતર ના કરી શકો, ખરેખર તો તમે આ વાતો શરુ કરોને ત્યારે એ સામે હોય, તમારી વાતમાં ડોકું ધુણાવતા હોય તેમ છતાં’ય બહેરા હોય અને એમનું મન બોલતું હોય કે ‘મમ્મી પાછી ચાલુ થઇ ગઈ’ , ‘ડેડી સક્સ’ (લાગ આવે તો ‘સ્ટેટસ’ પણ મૂકી જાય) !

ગમે કે ના ગમે, સ્વીકારો કે ના સ્વીકારો પણ આ વાસ્તવિકતા છે. તમારે તમારું ઉત્તમ આપવાનું છે પરંતુ વાતાવરણ એવું ગજબનું છે કે સરવાળે તમારે સંતાન જ્યાં સુધી પરિપક્વ ના થાય ત્યાં સુધી ચિંતામાં તો રહેવાનું જ છે !! કમનસીબ બાબત એ છે કે તમારે તો જીવનના દરેક તબક્કે તમારા સંતાનને ઉત્તમ જ આપવું છે પણ સંતાનને ક્યાંક તો એ ઉત્તમ લાગતું નથી અને ક્યાંક તો એને એ લેવું નથી, પોતાનો ચીલો પોતે પાડવો છે! આ બધી હકીકતો પછી પણ તમારે એમનું ઘડતર કર્યા વગર છુટકો નથી અને આજના કિશોરોની માનસિકતા અને લાક્ષણીકતાઓ સમજ્યા વગર એ શક્ય નથી. આ બાબતોને સમજીને એમની સાથે વ્યવહાર કરવામાં આવે તો કદાચ શક્ય છે કે વાતાવરણની અસરો તમે કંઇક અંશે કાબુમાં રાખી શકો. અહીં ‘કંઇક અંશે’ શબ્દ એટલે વાપર્યો છે કે સંપૂર્ણ કાબુમાં રાખવાનું સલાહભર્યું નથી કારણ કે સરવાળે તો તમારા સંતાનને એ જ વાતાવરણમાં જીવવાનું છે, એ જ વાતાવરણની અસર હેઠળની માનસિકતા ધરાવનાર લોકો જોડે કામ પાર પાડવાનું છે! દા.ત. મોબાઈલના દુષણો રોકવા તમે એને મોબાઈલ જ ના અપાવો, તેનો મોબાઈલ લઇ લો કે તેને અવાર-નવાર ચેક કરો તો એ એનો ઉકેલ નથી કારણ કે નવા પ્રશ્નો સર્જાશે(છાનામાના મોબાઈલ રાખતા, એક કરતાં વધુ છુપા સીમકાર્ડ રાખતા, મોબાઈલના મેસેજ કે કોલ ડિટેલ્સની તાત્કાલિક સાફસુફી કરતાં અનેક લોકો છે !). તમારે વ્યવહારુ(પ્રેક્ટીકલ) બનીને બસ એમને વ્યવહાર, વિવેક, સંયમ, સન્માન,મૂલ્યો અને સંસ્કાર આપવાના છે જેના થકી તે એમના માહોલમાં પણ ઘડાય, આગળ વધે અને અર્થપૂર્ણ જીવન જીવે. વ્યવહાર એટલા માટે કે તમારું સંતાન પ્રેક્ટીકલ બને ( જે વ્યક્તિઓ પ્રેક્ટીકલ નથી હોતા એ કદાચ પોતાની રીતે તો સુખી જ હોય છે પણ તેમની સાથે જોડાયેલાઓના સુખના ભોગે !). વિવેક એટલા માટે કે એને સાચા-ખોટાનું ભાન રહે અને દરેક બાબતનો યોગ્ય નિર્ણય કરી શકે. સંયમ એટલા માટે કે ગમે તે પરિસ્થિતિમાં એ છકી ના જાય અને બેજવાબદારીપૂર્વક ના વર્તે. સન્માન એટલા માટે કે એ પોતાના સિવાય અન્યને પણ મહત્વના ગણી શકે, અન્ય પ્રત્યે પણ સહાનુભૂતિ દાખવી શકે અને કોઈપણ બાબતની કિંમત સમજી શકે. મૂલ્યો એટલા માટે કે એ સમજી શકે પોતે કોણ છે, પોતાનું કુટુંબ-કુળ અને બેકગ્રાઉન્ડ શું છે, પોતાને જીવનમાં શું મેળવવાનું છે વગેરે. આ બધું’ય ભેગું કરીને એક ‘પેકેજ’ આપો એટલે ‘સંસ્કાર’. હવે વિચારો કે આટલું’ય તમારા સંતાનને આપી શકોને તો બાકી બધું તો આપમેળે એ મેળવી લેશે.

આજના કિશોરોની માનસિકતા અને લાક્ષણીકતાઓથી આપણી વાત આગળ ધપાવીશું (ક્રમશ:)

 

પૂર્ણવિરામ

સંતાન સાથે ઘર્ષણ થવું અસામાન્ય નથી; પરંતુ માબાપ એને પરિપક્વતાથી સંભાળી કે ઉકેલી ના શકે તે અસામાન્ય છે

 

Image

 

Image

 
2 Comments

Posted by on August 27, 2012 in Uncategorized

 

સ્ત્રી-પુરુષના પ્રશ્નો થકવી નાખનારા અને રીબાવનારા હોય છે જયારે સંતાન-માબાપના પ્રશ્નો મુંઝવી નાખનારા અને ચિંતા કરાવનારા હોય છે !

 

જીવનમાં થકવી અને મુંઝવી નાખે એવી ઘણી બાબતો છે પરંતુ તેમાં ટોચની કહી શકાય તેવી એક બાબત છે તમારા સંબંધોના પ્રશ્નો. જયારે કોઈપણ વ્યક્તિ સંબંધોના પ્રશ્નોથી ઘેરાયેલી હોય ત્યારે તેની લાગણીઓનો કુચ્ચો નીકળી જતો હોય છે અને જો આ પ્રશ્નો જરૂર કરતાં લાંબા ચાલે તો વ્યક્તિઓ લગભગ નીચોવાઈ જતી હોય છે. સંબંધ જેટલો વધુ અંગત તેટલું વ્યક્તિઓએ વધુ સહન કરવાનું થાય તે સમજી શકાય તેવો તર્ક છે પરંતુ, સંબંધોમાં સૌથી વિકટ પ્રશ્નો સ્ત્રી-પુરુષના સંબંધો અને સંતાન-માબાપના સંબંધોમાં સર્જાતા હોય છે. સ્ત્રી-પુરુષ કે પતિ-પત્નીના પ્રશ્નો મહદઅંશે થકવી નાખનારા અને રીબાવનારા હોય છે જયારે સંતાન-માબાપના પ્રશ્નો મહદઅંશે મુંઝવી નાખનારા અને ચિંતા કરાવનારા હોય છે.

સ્વાભાવિક રીતે જ પ્રશ્ન થશે કે સ્ત્રી-પુરુષના પ્રશ્નો થકવે કે રિબાવે કેમ અને સંતાન-માબાપના પ્રશ્નો મૂંઝવે કે ચિંતા કેમ કરાવે?!! સરળ છે, સ્ત્રી-પુરુષના સંબંધમાં બંને પાત્રને એક-બીજા પાસેથી એક સ્તરની પરિપક્વતાની અપેક્ષા હોય છે. જ્યાં સુધી બંને પરિપક્વતાથી વર્તે ત્યાં સુધી પ્રશ્નો હોવા છતાં સંબંધ સચવાય છે. જયારે બંને પૈકી એક બેજવાબદાર રીતે વર્તવાનું કે વ્યવહાર કરવાનું શરુ કરે ત્યારે પ્રશ્નો વિકટ બનવાના શરુ થાય અને પરિપક્વ સાથી બાજી સંભાળવામાં લાગી પડે. જો સાથી સમજી જાય તો ‘ખાધું,પીધું ને રાજ કર્યું’ અને જો સામેવાળાએ સમજદારી પોતાના અંગત કારણોસર અભરાઈએ ચઢાવી હોય તો જેટલો પરિપક્વ સાથી તરફથી પ્રયત્ન થાય એટલો પ્રશ્ન વધુ વિકટ થતો જાય. સરવાળે બંને એક જ ફરિયાદ કરતાં કરતાં થાકી જાય કે ‘એ મને સમજતો/સમજતી  કેમ નહી હોય?!!’ આમાં કોણ સાચું અને કોણ ખોટું એ વાત તો આપણે કરતાં જ નથી; થાક એકબીજાના જક્કી વલણ, જતું નહી કરવાની ભાવના અને નાસમજી નો હોય છે. પહેલાં વ્યક્તિ વ્યક્તિના વલણથી થાકે અને પછી આખા’ય સંબંધથી થાકે, સરવાળે આખો સંબંધ બંનેને રિબાવે. જેમ વ્યક્તિઓ રિબાતી જાય તેમ સંબંધ એક બોજ બનતો જાય.

બીજી બાજુ સંતાન-માબાપના સંબંધમાં સંતાન અને માબાપ પોતપોતાની સમજના અલગ ઓટલે ઉભા છે, ખાસ કરીને કિશોરાવસ્થામાં! માબાપ અનુભવના ઓટલે ઉભા છે અને સંતાન સ્વચ્છંદતા(મન ફાવે તેમ વર્તવું)ના ઓટલે ઉભા છે. માબાપના અનુભવને માન આપીને સંતાન એ મુજબ ચાલે અથવા સંતાનને પોતાનું ધાર્યું કે મરજી મુજબ કરવાની છૂટ આપીને માબાપ એ મુજબ ચાલે તો કોઈ પ્રશ્ન નથી. પરંતુ, જીવનના અનુભવે માબાપ આંખ આડા કાન ના કરી શકે અને ધાર્યું કરવાની મનોવૃત્તિ ધરાવતા સંતાનોને માબાપની સલાહો કે કાબુ દખલગીરી લાગે. બસ, શરુ થઇ ગયો મૂંઝવણનો દોર. માબાપ મુંઝાય કે હવે આ સંતાનનું શું કરવું? કેવીરીતે સમજાવવું?! અને બીજી બાજુ સંતાન મુંઝાય કે આ માબાપનું શું કરવું? એમને કંઈ સમજણ જ નથી પડતી, ખાલી દરેક વાતમાં ટાંગ અડાવે છે અને નન્નો ભરે રાખે છે !! સંતાનો તો એમની મુત્સદ્દીગીરીમાં માબાપને આડું અવળું સમજાવીને, જીદ કરીને, લાગણીઓ બ્લેકમેઇલ કરીને, બળવાખોરી કરીને, છેતરીને કે માબાપને અંધારામાં રાખીને છાના છપના પોતાની ધારેલી દિશામાં જ જવાનું વલણ ધરાવે છે પરંતુ, માબાપ દબાણપૂર્વક કાબુ ધરાવવા છતાં અને ક્યારેક નિસહાય બનીને પણ સંતાનના ભવિષ્ય અંગે સતત ચિંતા સેવતા રહે છે.

આપણે સ્ત્રી-પુરુષના પ્રશ્નોની ચર્ચા ગણી ગણાય નહી એટલી કરી છે અને કરતાં રહીશું પણ ફોર અ ચેન્જ થોડા અઠવાડિયા સંતાન-માબાપની વાત કરીએ. પેઢીઓ વચ્ચે ચાલી આવતી વિસંવાદીતાઓ(જનરેશન ગેપ)થી વધુ આ વાત છે કારણ કે પહેલાં પેઢીઓ વચ્ચે વૈચારિક અંતર હતું પણ આજે પરિસ્થિતિ એવી સર્જાઈ છે કે તમારા બાળકો વચ્ચે પાંચ વર્ષનું અંતર હોય તો તે બંનેની વચ્ચે’ય એક વૈચારિક અંતર છે! તેમની ભાષા, પસંદગી, પહેરવેશ વગેરે તમામ બાબતોમાં એક અંતર છે, તમારી મુલવણી સુક્ષ્મ રાખસો તો આ વાત તરત સમજાઈ જશે. એટલે, માત્ર ઉંમરના તફાવતને કારણે તમારા સંતાન અને તમારી વચ્ચેના સંબંધોમાં તણાવ રહે જ એ વિચારે મન મનાવીને બેસી રહેવાથી પ્રશ્નો હલ નથી થવાના, એક સમજ કેળવવી પડશે. સ્વાભાવિક છે ચિંતા માબાપને છે એટલે સમજ કેળવવાની પહેલ પણ માબાપે જ કરવી પડશે, બાકી સંતાનને તમારી સમજમાં રસ નથી એને તો તમે એને જે કરવું છે તે બેરોકટોક કરવા દો એટલે બધું મઝાનું જ છે! એને એની ઈચ્છા પ્રમાણે કરવા દો છો તો તમે એને સમજો છો નહિંતર એને તમારી સમજની બહુ લાંબી પડી નથી એ તમને મેનેજ કરતાં શીખી જાય છે ! અલબત્ત જીવનના એક તબક્કે એ તમને સમજી પણ જાય છે અને એની લાગણીઓ તમારા તરફ પાછી વળે છે પરંતુ, ક્યારેક ત્યાં સુધીમાં ઘણું ના થવાનું થઇ જાય તે પણ શક્ય છે અને માબાપની આ સમજ માબાપને સતત ચિંતામાં રાખવા પુરતી છે. હવે  જો આ બાબતમાં માબાપે જ પહેલ કરવી પડે એમ હોય તો શરૂઆત આજના આ કિશોરો અને યુવાનોની લાક્ષણીકતાઓ ઓળખવાથી કરવી પડે, આપણે આ લાક્ષણીકતાઓની તબક્કાવાર ચર્ચાથી વાત આવતા અઠવાડિયે આગળ વધારીશું. (ક્રમશ:)

પૂર્ણવિરામ

સંતાન કોઇ ચિત્ર નથી કે જેમાં આપણી ઈચ્છાના જ રંગો પુરાય, સંતાન તો છબી છે જેમાં સરવાળે તો આપણી જ નકલ ડોકાય !

Image

 

Tags: , , ,

Woman can judge man’s intentions much faster than his thoughts…

Woman can judge man’s intentions much faster than his thoughts…

There is a saying that man don’t listen very actively when woman are talking to them. Well this is not just an over statement but every married couple would have this issue. The reason I am saying ‘married couple’ is that I know all wives would agree but those who are in a relation but yet not married would feel that my man is different, unlike all other man. The reason she feels so is that those man who are unmarried are a little insecure that if they won’t listen to their lady love she might leave him, hence even if they are not listening they have to at least pretend that they are listening. Married man is already secure on this front. So, he need not even pretend to listen when told at once, as he knows that his wife will not leave him on such a petty matter.

Woman more or less realizes this fact at some point of their relationships with man, hence she has to make use of other indirect means as my column; wives would make sure that the husband has read it.  Whereas man does not need any such indirect mean of communication to put their view across.  Women have their hearing aid on them all the time, even when they are watching their favorite show or an interesting program they would still be aware of what, to whom and how long has their partner been talking on phone or in person. Whereas man does not have such ability to actively listen and grasp two things at a time, it would rather annoy them and they would ask their partners to leave the room.

Complain that man don’t listen very actively during routine conversation is not merely associated to woman but also man, when they get the gist of conversation; they are least bothered of the details and other connotations attached to the talk. Whereas woman are more interested in the details, emotional involvement and description of the talk than just the mere gist. This difference in the gender is due to the difference in biological development of brain in woman and man. Women are more emotional so they give more attention to emotional side than the logical work up of the event or conversation and vice a versa. This could also be one of the reasons why woman like more fiction novels where novelist is very elaborative in their descriptions. Hence, as a matter of fact woman who have the inborn ability to judge the person on the basis of their gesture or non verbal cues are comparatively less able to judge their thoughts with same accuracy. Probably this explains the common belief that woman have less sense of humor as their mind takes longer time to click compared to their heart.

Men have a more analytical mind so can they easily jump to the conclusion or gist of the talk and hence believes that it is not necessary to pay lot of importance to the entire description with minute details. It also gives a kind of over confidence leading to certain mistakes or misunderstanding on their part. This is the reason why men are found less in professional positions where more listening skills are needed e.g. customer service executives, public relation managers, counselor, interpreter etc.

Tricky part of this gender difference in handling conversation comes now. Women think that he has not heard her properly so she tends to repeat her talk like news channels due to which man will become all the more less attentive, as he knows that even if not heard, this he will catch up at the repeat telecast ! Men’s tendency of not listening completely and women’s tendency of repeating becomes a cyclical habit and cycle goes on. Breaking this cycle is very important for avoiding lot of petty interpersonal issues between man and woman. woman needs to control her urge to repeat the talk when once told, and man need to assure woman of being heard by developing patience and hearing her entire narration with details in one go.

Reflection: Wires controlling woman’s tongue fires much faster than those controlling her logical processing, while vice a versa is true for a man.

 

 
4 Comments

Posted by on August 13, 2012 in English Articles, Uncategorized

 

કોઈપણ વ્યક્તિને દુરથી ચાહવું જેટલું સહેલું હોય છે એટલું નજદીકથી ચાહવું સહેલું નથી હોતું !

જેમના મૃત્યુ પહેલાં જ શ્રદ્ધાંજલિ રૂપે તેમની ફિલ્મોના ગીતો વગાડીને અને વાતો કરીને થાકી ગયેલા મીડિયાને અંતે બ્રેકિંગ ન્યુઝ મળ્યા, સુપરસ્ટાર રાજેશ ખન્ના ગયા. થાકીને આરામ કરવાનું વિચારતા મનને થોડે દૂર સફરનો અંતિમ મુકામ દેખાય ત્યારે મન બદલાય અને પગમાં નવું જોમ આવે તેમ આ બ્રેકિંગ ન્યુઝની સાથે જ ચેનલો ફરી મચી પડી ! એમના સ્ટારડમની વાતો બધાએ વાગોળી વાગોળીને ચ્યુંઈંગમની જેમ ચગળી નાખી. આપણને બધાને ખબર પડી ગઈ (અને જે એ જમાનાના સાક્ષી છે તેમને તો ખબર જ હતી) કે છોકરીઓ એમની પાછળ સાચા ગાંડાઓ પણ ના થાય તે હદની પાગલ હતી. એમને જોવા માટે દિવસો સુધી એમના શૂટિંગ લોકેશન્સ પર ઉભી રહેતી, પોતાના લોહીથી પ્રેમપત્રો લખતી (તબીબી રીતે આ શક્ય નથી કારણ કે એકાદ બે વાક્યો લખો ત્યાં લોહી ગંઠાઈ જાય અને નવેસરથી લોહી કાઢવું પડે !), એમની ગાડીનો રંગ ચુંબનોથી પોતાની લિપસ્ટિકના રંગ જેવો કરી નાખતી(!!), એમની ગાડીથી ઉડતી ધૂળથી પોતાની સેંથી પુરતી, એમની એક ઝલકથી બેહોશ થઇ જતી વગેરે વાતો આ યુવતીઓના પાગલપનની પુષ્ટિ આપવા માટે પુરતી હતી. આ બધી જ માહિતી સાંભળ્યા, જોયા અને વાંચ્યા પછી મારા મનમાં એક જ વિચાર આવ્યો કરોડો યુવતીઓના દિલોની ધડકન કહેવાતો પુરુષ પોતાની પત્નીના દિલની ધડકન કેમ ના બની શક્યો?!! ખરેખર જોવા જઈએ તો પત્નીની જ નહી, એના જીવનમાં આવેલી કોઈપણ સ્ત્રીના દિલની ધડકન ના બની શક્યો !

રાજેશખન્નાની અંગત નજદીકીમાં સત્તાવાર રીતે પાંચ સ્ત્રીઓ આવી; દેબયાની ચોબલ(જેણે તેને સુપરસ્ટાર તરીકે મીડિયામાં જન્મ આપ્યો), અંજુ મહેન્દ્રુ, ડીમ્પલ કાપડિયા, ટીના મુનીમ અને છેલ્લે છેલ્લે પ્રગટ થયેલી અનિતા અડવાણી(આમ તો રાજેશખન્નાની સાથે તે છેલ્લાં આઠ વર્ષથી રહેતી હતી પણ મીડિયાને તેનામાં રસ ખન્નાના મૃત્યુ બાદ પડ્યો, બોલો !). સુપરસ્ટારની કમનસીબી કે આમાંની એકે’યના દિલની એ ધડકન ના બની શક્યા(એમના દિલની ધડકનો બીજા હતાં, છોડો મારે ગોસિપ નથી કરવી…). કરોડો યુવતીઓને જે તે સમયે આ બધીની ઈર્ષ્યા આવતી હશે, તેમને કેટલી’ય નસીબદાર ગણતી હશે અને આજે મનોમન સંતોષ અનુભવતી હશે કે ચાલો જે થયું તે સારું થયું. પહેલાં કંઈ પામવાને ઘેલા બનો, પામી લો તો મોહ ઉતરી જાય, ના પામી શકો તો ઝંખના રહી જાય અને છેલ્લે પામ્યા તો મોહનું વિસર્જન થાય અથવા ના પામ્યા એમાં કુદરતનો શુભ સંકેત હતો તેવું માનીને ઝંખનાનું વિસર્જન થાય એનું નામ જિંદગી ! જો આ ચક્ર પૂરું ના થાય તો આત્મા અતૃપ્ત રહી જાય, જતા પહેલાં ઝંખનાઓનું વિસર્જન અગત્યનું છે પરંતુ એ વાત ફરી ક્યારેક કરીશું અત્યારે ખન્ના સાહેબના અંગત જીવનમાં ડોકિયું ચાલુ રાખીએ..

મેં ઘણીવાર કહ્યું છે કે ‘ચાહવું’ કે ‘પ્રેમ કરવો’ એ એક ઘટના છે. ‘પ્રેમ’ માત્ર લાગણી નથી પણ લાગણીઓથી લથબથ અસ્તિત્વને તરબતર કરતી ઘટના છે. આ ઘટના સાથે ઘણી કડવી વાસ્તવિકતાઓ, ગમે કે ના ગમે, સ્વીકારો કે ના સ્વીકારો, પણ સંકળાયેલી રહે છે. આ પૈકીની જ એક વાસ્તવિકતા એ છે કે કોઈપણ વ્યક્તિને દુરથી ચાહવું જેટલું સહેલું છે એટલું નજદીકથી ચાહવું સહેલું નથી. જે વ્યક્તિને તમે ચાહતા હોવ, જેના તમે દીવાના હોવ, તેની સાથે તમે અંતરંગ સંબંધમાં રહો અને તેમ છતાં’ય તમારી ચાહત અકબંધ રહે તો તમે અને તમે જેને ચાહો છો એ બંને વ્યક્તિ નસીબદાર છો. બાકી, ચાહત અકબંધ ના રહે તો કમનસીબ નહી પણ સામાન્ય બાબત ગણવી પડે કારણ કે મોટાભાગના કિસ્સાઓમાં સામાન્યરીતે આવું જ બનતું હોય છે. એમાં’ય ખાસ કરીને પ્રસિદ્ધ વ્યક્તિઓની માનવીય નબળાઈઓ તેમને ચાહનારાઓ ક્યારે’ય ધ્યાનમાં લેતા નથી અને સરવાળે તેમની સાથેના અંતરંગ સંબંધમાં દુઃખી થાય છે. રાજેશ ખન્નાને ચાહનારી દરેક સ્ત્રીએ તેને એક વ્યક્તિને બદલે એક સ્ટાર, એક રોમેન્ટિક હીરો તરીકે ચાહ્યો હશે. અંતરંગ સંબંધમાં તો દરેક વ્યક્તિ વત્તે-ઓછે અંશે તો માનવીય નબળાઈઓ અને સ્વભાવથી પરવશ હોઈ શકે છે, હવે સ્ટારની ઈમેજમાં તો આ હકીકતને સ્થાન જ ના હોય પછી ચાહત ટકે કેવી રીતે?! પરદા ઉપર કે જાહેરમાં સ્ત્રીઓને પોતાના પ્રણયથી મોહી લેનાર પોતાના અંગત સંબંધમાં એટલો પ્રણયમસ્ત હોય એ જરૂરી નથી, કડવું પણ સ્વીકારવું પડે એવું આ સત્ય છે. વ્યક્તિને દુરથી ચાહવામાં તમારે ચાહવા સિવાય કંઈ નથી કરવાનું પરંતુ તેની સાથે નજદીકી કેળવ્યા પછી તો તમારે તેની ઘણી નબળાઈઓ સ્વીકારવાની છે, અન્યોઅન્ય ઘણાં સમાધાનો કરવાના છે અને ત્યારે જ તો એક પરિપક્વ સંબંધ વિકસે છે.

આ ઉપરાંત સફળતા વ્યક્તિને સ્વકેન્દ્રી બનાવે છે (અથવા કદાચ સ્વકેન્દ્રી વ્યક્તિઓ જ સફળ થાય છે!) અને આ સ્વકેન્દ્રી વ્યક્તિઓ અન્યને સંબંધમાં સહેલાઈથી આકર્ષી શકે પણ તેની સાથે લાંબો સમય સંબંધ નિભાવી ના શકે. અપવાદરૂપ સંબંધો બાદ કરતાં મોટાભાગના કિસ્સાઓનું આ તથ્ય છે. કોઈપણ સફળ વ્યક્તિને ચાહતા હોઈએ ત્યારે જો આ માનસિક તૈયારી કે સ્વીકૃતિ મનમાં હોય તો એ સંબંધ ટકે છે નહિંતર સમયની સાથે સંબંધ આખો ઉડન છું ! એમાં’ય સ્વકેન્દ્રી વ્યક્તિને સફળતાનો નશો અને અહમ ઘેરી વળે પછી તો સંબંધના ચિંથરા ઉડે જ છુટકો.

સાદી સમજ એટલી જ કેળવવી પડે કે વ્યક્તિની દુન્યવી ઉપલબ્ધિઓને ચાહવી, તેનાથી પ્રભાવિત થવું કે તેની પાછળ ગાંડા થવું એ સહજ બાબત છે પરંતુ તેના થકી કેળવાતા સંબંધો સુખની ગેરંટી નથી આપતા અને સાથે સાથે તે ટકી રહેશે તેની પણ ખાત્રી નથી હોતી. જયારે વ્યક્તિના સ્વભાવ, ગુણો કે અસ્તિત્વને ચાહવું એ એક અલગ જ અનુભવ છે, તેના થકી બંધાયેલો સંબંધ તમારા જીવનમાં દરેક તબક્કે પ્રાણ ફૂંકનારો છે. તમને કોના પ્રત્યે આવી લાગણીઓ છે તેનું ભાન તમને હોય તો તે સારું છે, તમારા પ્રત્યે કોને આવી લાગણીઓ છે તેનું ભાન હોવું તે એનાથી’ય સારું છે પરંતુ તમારા પરત્વે કોઈને એવી લાગણીઓ જન્મે એવું અસ્તિત્વ સાચે જ તમારું હોય તો તે સૌથી ઉત્તમ છે !

પૂર્ણવિરામ

જેને પામવાના વિચારમાત્રથી લાગણીઓ બાગબાગ થઇ જતી હોય તેને પામ્યા પછી એ જ લાગણીઓ સાવ શુષ્ક; કોરીધાકોર પડી જાય તેમ પણ બને !!

 

Image

 

Tags: , , , , ,

સુખની વ્યાખ્યા વ્યક્તિ અને દેશ પ્રમાણે બદલાતી રહે છે, પ્રતિકુળ વાતાવરણમાં તમારા બાળકો સીધા રહે તેનાથી મોટું સુખ બીજું કોઈ નથી !

મેમથ, એમસ્ટરડમમાં મારો ટર્કીશ ડ્રાઈવર; સાથે હું ટર્કીના દરિયાકિનારે આવેલા રમણીય શહેર ‘અન્તાલ્યા’માં મેં ગાળેલા દિવસોની વાતો કરી રહ્યો હતો ત્યારે તેની આંખોમાં પોતાના વતનની યાદો મંડરાતી જોઈને હું જરા અટક્યો. તે મારું આ અટકવું તરત જ પામી ગયો અને અચાનક જ તેણે વાતમાં પલટી મારી ‘ ડોક્ટર એમ તો આ શહેર પણ ખુબ રમણીય છે, કુદરતી સૌન્દર્ય અહીં ઠાંસી ઠાંસીને ભર્યું છે’. પછી તો એણે એમસ્ટરડમ, ત્યાંનું જીવન, લોકો વગેરે વિશે વાતોનો પટારો ખોલ્યો. એ અલક-મલકની વાતો કર્યે જતો હતો પણ એની આંખોમાં ઊંડે ઊંડે એક ઉદાસી વંચાતી હતી. હું એની આંખોમાં વંચાઈ રહેલી ઉદાસીનતાના કારણોનો તાગ એની વાતોમાંથી મેળવવાનો પ્રયત્ન કરી રહ્યો હતો. ત્યાં એણે મને પ્રશ્ન પૂછ્યો ‘ડોક્ટર તમને ખબર છે મને સૌથી મોટું સુખ કયું છે?!’ મારા જવાબની રાહ જોયા વગર જ (કદાચ એને મારી પાસેથી જવાબની અપેક્ષા પણ નહતી!) એ તેની વાતમાં આગળ વધ્યો ‘મારા ઉપર ઈશ્વરની સૌથી મોટી કૃપા એ છે કે મારી દીકરી વેશ્યા નથી અને મારો પુત્ર ગંજેરી નથી’. બસ, એની ઉદાસી વાંચવા મારા માટે એનું આ એક વાક્ય પુરતું હતું. એમસ્ટરડમની રમણીયતામાં એને બે વાત જબરદસ્ત રીતે ખુંચતી હતી, કાનુનીકૃત વેશ્યાગીરી(લીગલાઈઝ પ્રોસ્ટીટ્યુશન) અને કાનુનીકૃત નશાકારક દ્રવ્યોનું વેચાણ (ખાસ કરીને ગાંજો)! પછી; હું એને પ્રશ્નો પૂછતો ગયો, એ વાતો કરતો ગયો અને એણે જે બે પોતાના સુખ કહ્યા તે માટે તેની વૈચારિક ક્ષમતા ઉપર માન થયું. એણે કરેલી વાતો ઉપરથી મેં તારવેલી કેટલીક વાતો આપણને વિચારતી કરી મૂકે એવી છે.

એમસ્ટરડમ અને બેંગકોક વચ્ચે એક સામ્ય છે, ત્યાંની કાનુનીવૃત વેશ્યાગીરી. એમસ્ટરડમ પશ્ચિમના અને બેંગકોક પૂર્વના કુટ્ટણખાના તરીકે કુખ્યાત(પ્રખ્યાત!!) છે. આ એક સામ્યની સામે ઘણાં વિરોધાભાસ પણ છે. એમસ્ટરડમમાં આ વ્યવસાય ૧૮ વર્ષથી ઉપરની કોઈપણ સ્ત્રી પોતાની મરજીથી કરી શકે છે પરંતુ જો કોઈ અન્ય વ્યક્તિ સ્ત્રીને આ ધંધો કરવા ફરજ પાડે તો તેને માટે ખુબ આકરી સજાની કાયદાકીય જોગવાઈ છે. પરિણામે, અહીં દલાલોનું અસ્તિત્વ નથી(બેંગકોકમાં દલાલો ઘરાકો પકડી લાવે છે). સ્ત્રી પોતે જ નાનકડી ખોલી ભાડે રાખીને તેના આગળના ભાગમાં આવેલા કાચના શો કેસમાં બેસીને ધંધો કરે છે(બેંગકોકમાં મહદઅંશે દલાલોની જગ્યાઓમાં – સમુહમાં આ વ્યવસાય ચાલે છે), પોતાના આ કાનૂની વ્યવસાય થકી થતી આવક બતાવીને પ્રમાણિકતાપૂર્વક આવકવેરો ભરે છે. (બોલો, આ વેશ્યાઓ શરીર વેચે છે તેમ છતાં આવકવેરો ભરે છે અને આપણે ત્યાં નેવું ટકા ધંધાદારીઓ વસ્તુઓ વેચીને પણ એક રૂપિયાનો ટેક્સ નથી ભરતા !!) પ્રશ્ન થયો’તો મને, કે તેમની આવકની ગણતરી સરકાર(ત્યાં આપણા જેવી જ લોકશાહી અને સંસદ છે!)  કેવી રીતે કરે?! આવકવેરાને વેશ્યાઓની સરેરાશ આવક ખબર હોય અને ટેક્સ ભરે એટલે ઝાઝી માથાકૂટ ના કરે(અહીં તો આવકવેરા વિભાગ જે કર ભરતા હોય તેની પાછળ જ લાગેલા હોય,જે ફદિયું’ય ના ભરતાં હોય તેને હાથ પણ ના લગાડે !!), પોલીસો જઈને હપ્તાવાળી કે પોતાના ખિસ્સા (પથારી !) ગરમ ના કરે. સરકાર તરફથી ફરજીયાત આ વેશ્યાઓનું દર ત્રણ અઠવાડિયે મફત હેલ્થ ચેકઅપ થાય અને બીમાર માલુમ પડે તો વ્યવસાયમાંથી દૂર કરાય. પાછો આ રેડલાઈટ એરિયા કોઈ અંધારી ગલીમાં નહી પણ મુખ્ય બજારની વચ્ચે, ત્યાં નાના-મોટા સૌ કોઈ અવરજવર પણ કરે ! અરે, શાળાઓમાંથી રેડલાઈટ એરિયાની ઓરિએન્ટેશન ટુર પણ અહીંની મુલાકાત લે અને ત્યાં થતાં ન્યુડ શો માં જેટલા પુરુષ દર્શકો હોય એટલી સ્ત્રી દર્શકો પણ હોય !!

યુરોપીઅનો વીક-એન્ડમાં એમસ્ટરડમમાં ઉભરાય છે (લંડન ૩૫૬ કી.મી., પેરીસ ૪૨૯ કી.મી.), વેશ્યાવૃત્તિ માટે નહીં, ગાંજો પીવા માટે ! સમગ્ર વિશ્વમાં એકમાત્ર અહીંની સરકાર ગાંજાનો વેપાર કરે છે. અહીં લગભગ દરેક નાના-મોટા સ્ટોરમાં ઉપલબ્ધ એવો ગાંજો ખરીદવો અને પીવો કાનૂની છે. લગભગ છોકરાઓ જેટલી જ સંખ્યામાં છોકરીઓ પણ બિન્ધાસ્ત ગાંજો પીએ છે !

વિશ્વમાં કયો દેશ એવો હશે કે જ્યાં દેહનો અને કેફીદ્રવ્યોનો વ્યાપાર નહી થતો હોય?! કદાચ એક પણ દેશ નહી, અહીંના શાશકોની ગણતરી એવી છે કે બીજા દેશોની જેમ અમે પણ આને અપરાધ ગણીએ તો આ પ્રવૃતિઓ એ દેશોની જેમ ભોમભીતરમાં ચાલશે, માફીઆઓ તેમાંથી સમૃદ્ધ થશે અને ગુણવત્તા ભગવાન ભરોસે રહેશે. એના કરતાં સરકાર જ એનો વેપાર કરે, એની ગુણવત્તા જાળવે અને ધંધા ઉપર માફીઆઓનો નહી પણ પોતાનો કાબુ રાખે ! હશે, એમની વિચારસરણી એમને મુબારક પણ મને મેમથની સુખની વ્યાખ્યા બરાબર સમજાઈ કે આવા વાતાવરણમાં તમારા છોકરા સીધા રહે તેનાથી મોટું સુખ બીજું કોઈ ના હોઈ શકે અને એ માટે તમે ભગવાનનો પાડ માનો એટલો ઓછો! મને એની ઉદાસી સાવ સાચી લાગી કે આવા સરસ મજાના રમણીય દેશનું ભવિષ્ય વેશ્યાઓ અને ગંજેરીઓની વચ્ચે શું રહેશે? હવે તો બીજા દેશોમાંથી પણ યુવતીઓ દેહનો વ્યાપાર કરવા એમસ્ટરડમમાં ખડકાવા માંડી છે !

એમસ્ટરડમથી પાછા વળતાં એરપોર્ટ ઉપર જોયું કે જે રીતે આપણી નેશનલ ન્યુઝ ચેનલો ગૌહત્તીમાં યુવતી પર થયેલા અત્યાચારની વીડીઓ બતાવી બતાવીને પોતાની ટીઆરપી વધારવાની રેસમાં લાગી હતી ત્યારે મન વિચારે ચઢી ગયું કે નારી સ્વતંત્રતાની વાતો કરતાં આપણા જેવા દંભીઓ સાચા કે વાસ્તવમાં નારીઓને સ્વછંદ બનવાનો કાનૂની પરવાનો આપતા એ દેશની પ્રજા સાચી?!! દિવસભર ઉઘાડેછોગ ચાલતી ધંધાકીય જાતીય પ્રવૃતિઓ સાચી કે છાના-છપના પ્રેમના ઓઠા હેઠળ ચાલતી જાતીય છેતરામણીઓ સાચી?! પોતપોતાની સમજ જાણે અને ભગવાન જાણે !!

પૂર્ણવિરામ:

સ્ત્રીના મનમાં એક સમયે એક જ પુરુષ રહી શકે છે જયારે પુરુષના મનમાં એક સમયે, એકસાથે અનેક સ્ત્રીઓ રહી શકે છે.સમસ્યા તો એ છે કે સ્ત્રીને તે એક પુરુષ સામે’ય વાંધા હોય છે અને પુરુષને તે બધી’ય સાથે શાતા હોય છે !!

 

Image

 

Tags: , , ,